ଜାରି ହେଲା ସରକାରୀ ଲିଷ୍ଟ୍‌ : ଏସବୁ ବ୍ୟାଙ୍କ ହେବ ପ୍ରାଇଭେଟାଇଜେସନ୍

ଜାରି ହୋଇଛି କେନ୍ଦ୍ର ସରକାରଙ୍କ ଲିଷ୍ଟ୍ । କେନ୍ଦ୍ର ସରକାରଙ୍କ ପକ୍ଷରୁ ଅନେକ ବ୍ୟାଙ୍କକୁ ପ୍ରାଇଭେଟାଇଜେସନ୍ କରାଯାଇସାରିଲାଣି । ଏବେ ପୁଣିଥରେ ବ୍ୟାଙ୍କକୁ ପ୍ରାଇଭେଟାଇଜେସନ୍ କରାଯିବ ବୋଲି ଖବର ସାମ୍ନାକୁ ଆସିଛି । ସରକାର ଅନେକ ବ୍ୟାଙ୍କ ଏବଂ କମ୍ପାନୀକୁ ପ୍ରାଇଭେଟ୍ କରିବାକୁ ନେଇଛନ୍ତି ନିଷ୍ପତି । ଯାହାକୁ ନେଇ ଜୋରସୋରରେ କାମ ଚାଲିଥିବା ବେଳେ ସରକାରୀ କର୍ମଚାରୀ କିନ୍ତୁ ଏହାକୁ ବିରୋଧ କରୁଛନ୍ତି ।

ଦେଶର ପ୍ରମୁଖ ଭାରତୀୟ ଷ୍ଟେଟ୍ ବ୍ୟାଙ୍କକୁ ଛାଡି ଅନ୍ୟ ସମସ୍ତ ସରକାରୀ ବ୍ୟାଙ୍କକୁ ପ୍ରାଇଭେଟ୍‌କୁ ହସ୍ତାନ୍ତର କରିବା ଉଚିତ୍ ବୋଲି କହିଛି ନୀତି ଆୟୋଗ । ହେଲେ ଦେଶର ୬ଟି ସରକାରୀ ବ୍ୟାଙ୍କକୁ ପ୍ରାଇଭେଟ୍ କରାଯିବନି ବୋଲି କହିଛି ନୀତି ଆୟୋଗ । ନୀତି ଆୟୋଗ ପକ୍ଷରୁ ଜାରି ଲିଷ୍ଟରେ କୁହାଯାଇଛି, ପଞ୍ଜାବ ନ୍ୟାସନାଲ ବ୍ୟାଙ୍କ, ୟୁନିଅନ ବ୍ୟାଙ୍କ୍‌, କାନାରା ବ୍ୟାଙ୍କ, ଏସବିଆଇ, ବ୍ୟାଙ୍କ୍ ଅଫ୍ ବରୋଦା ଏବଂ ଇଣ୍ଡିଆନ୍ ବ୍ୟାଙ୍କକୁ ସରକାର ପ୍ରାଇଭେଟ୍ କରିବେନି । ସରକାରୀ ସୂତ୍ରରୁ ମିଳିଥିବା ଖବର ମୁତାବକ ଯେଉଁ ସରକାରୀ ବ୍ୟାଙ୍କ କନସୋଲିଡେସନର ଅଂଶିଦାର ଥିଲା, ସେ ସମସ୍ତ ବ୍ୟାଙ୍କକୁ ପ୍ରାଇଭେଟାଇଜେସନଠାରୁ ଦୂରେଇ ରଖାଯାଇଛି । ଏଠାରେ ଆମେ କହିରଖିବାକୁ ଚାହୁଁଛୁ, ସରକାରଙ୍କ ପକ୍ଷରୁ ଗତ ୯ ଅଗଷ୍ଟ ୨୦୧୯ରେ ୪ଟି ବ୍ୟାଙ୍କକୁ ମର୍ଜ୍ଜ କରାଯାଇଥିଲା । ଯାହାପରେ ଦେଶରେ ସରକାରୀ ବ୍ୟାଙ୍କ ସଂଖ୍ୟା ୨୭ରୁ ହ୍ରାସ ପାଇ ଏବେ ୧୨ରେ ପହଞ୍ଚିଛି । ଯଦିଓ ଏହି ବ୍ୟାଙ୍କକୁ ପ୍ରାଇଭେଟାଇଜେସନ୍ କରିବା ବିଷୟରେ ଏବେସୁଦ୍ଧା କୌଣସି ବି ପ୍ଲାନିଂ ହୋଇନି । ମାତ୍ର ଅର୍ଥମନ୍ତ୍ରଣାଳୟ ନିଜ ରାୟରେ କହିଛନ୍ତି, ଏ ସମସ୍ତ ବ୍ୟାଙ୍କକୁ ପ୍ରାଇଭେଟାଇଜେସନ ଠାରୁ ବାହାରେ ରଖାଯାଇଛି ।