ଟ୍ୱିଟର ବିକିବେ ଏଲନ ମସ୍କ !

ସୋସିଆଲ ମିଡିଆ ଆପ୍ସ ଟ୍ୱିଟରକୁ ନେଇ ସବୁଠି ଚର୍ଚ୍ଚା । କେତେବେଳେ ମାଲିକ ଏଲନ ମସ୍କ ତ ପୁଣି ଆଉ କେତେବେଳେ ଟ୍ୱିଟର ବିଭିନ୍ନ ଫିଚର୍ସ ପାଇଁ ଆଲୋଚନା ଜାରି ରହିଛି । ଏହାରି ମଧ୍ୟରେ ଟ୍ୱିଟରକୁ ନେଇ ମାଲିକ ଏଲନ ମସ୍କ ଦେଇଛନ୍ତି ନୂଆ ଅପଡେଟ୍ । ଟ୍ୱିଟରକୁ ବିକ୍ରି କରିବାକୁ ଚାହୁଁଛନ୍ତି ଏଲନ ।

ଅଧିକ ପଢନ୍ତୁ

ସୂଚନାନୁସାରେ ଏକ ଇଣ୍ଟରଭିୟ୍ୟୁରେ ଏଲନ ମସ୍କଙ୍କୁ ପ୍ରଶ୍ନ କରାଯାଇଥିଲା ଟ୍ୱିଟର ମାଲିକାନା ହାସଲ କରିବାପରେ ତାଙ୍କୁ କେମିତି ଲାଗୁଛି । ଏହି ପ୍ରଶ୍ନର ଉତ୍ତରରେ ଏଲନ କହିଛନ୍ତି, ଟ୍ୱିଟର କିଣିବା ତାଙ୍କ ପାଇଁ ବିରକ୍ତକର ନୁହେଁ । କିନ୍ତୁ ମାଲିକାନା ମିଳିବାପରେ ସେ ବେଶ କଷ୍ଟରେ ଅଛନ୍ତି । ଯଦି କେହି ଠିକ୍ ଲୋକ ମିଳନ୍ତି ଏବଂ ଟ୍ୱିଟର ବାବଦକୁ ତାଙ୍କୁ ସଠିକ ଅର୍ଥ ମିଳେ ତେବେ ସେ ଟ୍ୱିଟରକୁ ବିକ୍ରି କରିଦେବେ । କିନ୍ତୁ ଟ୍ୱିଟର ବିକ୍ରି କରିବା ନେଇ ବର୍ତ୍ତମାନ ସୁଦ୍ଧା ମଧ୍ୟ ଏଲନ କୌଣସି ସ୍ପଷ୍ଟ ସୂଚନା ଦେଇନାହାନ୍ତି ।

ସୂଚନାଯୋଗ୍ୟ ଟେସଲା ଓ ସ୍ପେସ୍ ଏକ୍ସ ସଂସ୍ଥାର ମାଲିକ ଏଲନ ମସ୍କ ଟିଟ୍ୱର କିଣିବା ପରେ ବେଶ ଚର୍ଚ୍ଚାକୁ ଆସିଥିଲେ । କିନ୍ତୁ ଟ୍ୱିଟର କିଣିବା ପରେ ବିଶ୍ୱର ସବୁଠାରୁ ବଡ ଧନୀ ବ୍ୟକ୍ତି ଏଲନ ମସ୍କ ଲସ୍‌ରେ ପଡିଲେ, ବର୍ତ୍ତମାନ ସେ ୩୪ ନମ୍ବର ସ୍ଥାନକୁ ଖସି ଆସିଛନ୍ତି । ନିକଟରେ ମଧ୍ୟ ଟ୍ୱିଟର ବିଭିନ୍ନ ଫିଚର୍ସ ହଟାଇବା ପାଇଁ ଘୋଷଣା କରିବାରୁ, ତାଙ୍କୁ ଅନେକ ସମାଲୋଚନାର ଶିକାର ହେବାକୁ ପଡିଥିଲା ।