ଡ୍ରେସ ଡିଜାଇନର ସାଉଥଷ୍ଟାରଙ୍କ ଡ୍ରେସ କରିବାକୁ ମନା କରୁଥିଲେ

ସାଉଥର ଲୋକପ୍ରିୟ ଅଭିନେତ୍ରୀ ସାମନ୍ଥାଙ୍କୁ କିଏ ଅବା ନଜାଣେ । ସାମନ୍ଥା କେତେବେଳେ ନିଜ ଅଭିନୟ ପାଇଁ ତ ପୁଣି କେତେବେଳେ ନିଜ ପର୍ସନାଲ ଲାଇଫକୁ ନେଇ ଚର୍ଚ୍ଚାରେ ରୁହନ୍ତି । କିନ୍ତୁ ବର୍ତ୍ତମାନ ସାମନ୍ଥା ଏକ ଇଣ୍ଟରଭିୟ୍ୟୁରେ କହିଛନ୍ତି ପୂର୍ବରୁ ଡ୍ରେସ ଡିଜାଇନରମାନେ ସାଉଥଷ୍ଟାରଙ୍କ କାମ କରିବାକୁ ମନା କରୁଥିଲେ । ସାମନ୍ଥାଙ୍କ ଏପରି ମନ୍ତବ୍ୟ ବର୍ତ୍ତମାନ ସବୁଠି ଆଲୋଚନାର ବିଷୟ ହୋଇଛି ।

ସୂଚନାନୁସାରେ ସାଉଥ ଆକ୍ଟ୍ରେସ ସାମନ୍ଥା ଗୋଟିଏ ଦିନ ପୂର୍ବରୁ ଏକ ଇଣ୍ଟରଭିୟ୍ୟୁ ଯୋଗ ଦେଇଥିଲେ । ତାଙ୍କୁ ବଲିଉଡ ଓ ସାଉଥଫିଲ୍ମର ଲଢେଇ ସମ୍ପର୍କରେ ପ୍ରଶ୍ନ କରାଯାଇଥିଲା । ଏହାର ଉତ୍ତରରେ ସାମନ୍ଥା କହିଥିଲେ ଦିନଥିଲା ଯେତେବେଳେ ସାଉଥ ଇଣ୍ଡଷ୍ଟ୍ରିର ଅଭିନେତା, ଅଭିନେତ୍ରୀ ମାନଙ୍କୁ ସମ୍ମାନ ଦିଆଯାଉନଥିଲା । ଏବଂ ଡିଜାଇନରମାନେ ସାଉଥଷ୍ଟାରଙ୍କୁ କିଏ ? ଏବଂ ସାଉଥ ସିନେମା କଣ? ବୋଲି ପ୍ରଶ୍ନ କରୁଥିଲେ ।

ଏପରିକି ସାଉଥଷ୍ଟାରଙ୍କ ପୋଷାକ ନିର୍ମାଣ ମଧ୍ୟ କରୁନଥିଲେ । ଦୀର୍ଘଦିନ ଧରି ହିନ୍ଦୀ ସିନେମା ଭାରତୀୟ ଫିଲ୍ମ ଇଣ୍ଡଷ୍ଟ୍ରିରେ ସବୁଠାରୁ ଶୀର୍ଷ ସ୍ଥାନରେ ରହିଥିବା ବେଳେ, କିନ୍ତୁ ବର୍ତ୍ତମାନ ସମୟ ବଦଳି ଯାଇଛି । ପୁଷ୍ପା, କେଜିଏଫ, ଆରଆରଆର ଓ କାନ୍ତାରା ପରି ଫିଲ୍ମ ଗୁଡିକ ଭାରତୀୟ ଚଳଚ୍ଚିତ୍ର ଜଗତକୁ ଏକ ନୂଆ ଦୃଷ୍ଟି ଦେଇଛି । ଯାହା ଦ୍ୱାରା ବର୍ତ୍ତମାନ ଦର୍ଶକଙ୍କ ନିକଟରେ ସାଉଥ ଇଣ୍ଡଷ୍ଟ୍ରିର ଲୋକପ୍ରିୟତା ବଢିଛି । ସାମନ୍ଥାଙ୍କର ଏପରି ମନ୍ତବ୍ୟ ବର୍ତ୍ତମାନ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।

ସୂଚନାଯୋଗ୍ୟ ସାମନ୍ଥା ବର୍ତ୍ତମାନ ନିଜର ଅପ୍‌କମିଙ୍ଗ୍ ଫିଲ୍ମ ଶକୁନ୍ତଳମର ପ୍ରମୋସନରେ ବେସ୍ତ ଅଛନ୍ତି । ଫିଲ୍ମରେ ସାମନ୍ଥାଙ୍କ ବ୍ୟତୀତ ଦେବ ମୋହନ, ସଚିନ୍ ଖେଡେକର, ମୋହନ ବାବୁ ଇତ୍ୟାଦି ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟିକୁ ଆସନ୍ତାକାଲି ଅର୍ଥାତ ଏପ୍ରିଲ ୧୪ରେ ରିଲିଜ କରିବା ପାଇଁ ଲକ୍ଷ୍ୟ ରଖାଯାଇଛି ।