ପାର୍କିଂରେ ଥିବା ସ୍କର୍ପିଓ ଜଳିଗଲା

ଘର ସାମ୍ନାରେ ଥୁଆ ହୋଇଥିବା ବେଳେ ହଠାତ୍ ହୁତୁ ହୁତୁ ହୋଇ ଜଳିଗଲା ସ୍କର୍ପିଓ । ହେଲେ ସୌଭାଗ୍ୟବସତଃ ଏହି ଦୁର୍ଘଟଣାରୁ ଅଳ୍ପକେ ବର୍ତିଯାଇଛି ୩ ଜୀବନ ।ସ୍କର୍ପିଓ ଗାଡିଟି ମାତ୍ର ୯ମାସର ହୋଇଥିବା ବେଳେ ଏତେ ଦାମୀ ଗାଡି କିଭଳି ଜଳିଗଲା ତା’କୁ ନେଇ ପ୍ରଶ୍ନ ଉଠିଛି । ଶ୍ରୀରାମ ଏନେଇ ଉକ୍ତ ସ୍କର୍ପିଓ ସୋ’ରୁମ୍‌ରେ ଅଭିଯୋଗ କରିବା ପରେ ସୋ’ରୁମ୍ କର୍ମଚାରୀ ଆସି ଘଟଣାର ତଦନ୍ତ କରିବେ ବୋଲି ଜଣାପଡ଼ିବେ । କିଭଳି, କେଉଁ ପରିସ୍ଥିତିରେ ଗାଡିଟି ଜଳିଗଲା ସେ ସମ୍ପର୍କରେ ଅନୁଧ୍ୟାନ କରିବେ ସ୍କର୍ପିଓ ଇଞ୍ଜିନିୟର ।

ଅଧିକ ପଢନ୍ତୁ

ଆହୁରି ପଢନ୍ତୁ

ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ଆଗରପଡ଼ା ଅଞ୍ଚଳରେ । ସ୍ଥାନୀୟ ବାସିନ୍ଦା ଶ୍ରୀରାମ ସ୍ୱରୂପା ତାଙ୍କର କୁନିଝିଅକୁ ଅଙ୍ଗନବାଡି କେନ୍ଦ୍ରକୁ ନେଇଥିଲେ । ମମତା ଦିବସ ଉପଲକ୍ଷେ ଆୟୋଜିତ ଏକ ସ୍ୱତନ୍ତ୍ର ସ୍ୱାସ୍ଥ୍ୟ ଶିବିରରେ ଶ୍ରୀରାମ ତାଙ୍କ ଝିଅକୁ ଚିକିତ୍ସା ପାଇଁ ନେଇଥିଲେ । ଚେକଅପ୍ ସରିବା ପରେ ସେ ନିଜ ଘର ସାମ୍ନାରେ ଆଣି ସ୍କର୍ପିଓଟିକୁ ପାର୍କିଂ କରିଥିଲେ । ହେଲେ ଘରଠାରୁ ମାତ୍ର କେଇମିଟର ଆଗକୁ ଯିବା ବେଳେ ଥୁଆ ହୋଇଥିବା ସ୍କର୍ପିଓଟି ହଠାତ୍ ହୁତୁହୁତୁ ହୋଇ ଜଳିଯାଇଥିଲା ।

ଶ୍ରୀରାମଙ୍କ କହିବା ମୁତାବକ ସେ ସ୍ଥାନୀୟ ବାସିନ୍ଦାଙ୍କ ସହ ତୁରନ୍ତ ନିଆଁ ଲିଭାଇବାକୁ ଚେଷ୍ଟା କରିଥିଲେ ହେଲେ କୌଣସି ସୁଫଳ ମିଳିନଥିଲା । ଚାହୁଁ ଚାହୁଁ ଗାଡିଟି ଜଳିଯାଇଥିଲା । ପରେ ସେ ତୁରନ୍ତ ଆଗରପଡ଼ା ଦମକଳକେନ୍ଦ୍ରକୁ ଫୋନ୍ କରିବା ଦମକଳବାହିନୀ ନିଆଁକୁ ଆୟତ୍ତ କରିଥିଲେ, ହେଲେ ସେତେବେଳକୁ ଗାଡିର ଆଗ ଲାଇଟ୍ ସମେତ ଅନେକ ଅଂଶ ପୋଡି ପାଉଁଶ ହୋଇଯାଇଥିଲା । ହେଲେ ଗାଡିରୁ ଶ୍ରୀରାମଙ୍କ ସମେତ ତାଙ୍କ ପତ୍ନୀ ଓ କୁନିଝିଅ ସେତେବେଳକୁ ଓହ୍ଲାଇଯାଇଥିଲେ । ଏଣୁ ସୌଭାଗ୍ୟବସତଃ ଏକ ବଡ଼ ଦୁର୍ଘଟଣାରୁ ଅଳ୍ପକେ ବର୍ତିଯାଇଛି ।