ସଂଘର୍ଷ ମଣିଷ ଜୀବନର ଏପରି ଏକ ସତ୍ୟ, ଯାହା ଦ୍ୱାରା ମଣିଷ କିଛି ମଧ୍ୟ ହାସଲ କରିପାରିବ । ଜୀବନରେ ସଂଘର୍ଷ ମାଧ୍ୟମରେ ଅନେକ ବ୍ୟକ୍ତି ବିଶେଷ ଅସମ୍ଭବ କାର୍ଯ୍ୟାକୁ ମଧ୍ୟ ସଫଳତାରେ ପରିଣର କରିଛନ୍ତି । ସେହିପରି ଏକ ଅସମ୍ଭବକୁ ସଫଳତାରେ ପରିଣତ କରିଛନ୍ତି, ମଧ୍ୟ ପ୍ରଦେଶର ସନ୍ତୋଷ କୁମାର ପଟେଲ । ନିଜସ୍ୱ ଚେଷ୍ଟାରେ ଦୁଇ ଓଳି ଦୁଇ ମୁଠା ଭଲରେ ଖାଇବାକୁ ପାଉନଥିବା ସନ୍ତୋଷ ଆଜି ହୋଇଛନ୍ତି ମଧ୍ୟପ୍ରଦେଶ ପୋଲିସ ଡିଏସ୍ପି ।
ଅଧିକ ପଢନ୍ତୁ
ସୂଚନାନୁସାରେ ମଧ୍ୟପ୍ରଦେଶ ପତ୍ରା ଜିଲ୍ଲାରେ ରୁହନ୍ତି ସନ୍ତୋଷ କୁମାର ପଟେଲ । ସନ୍ତୋଷଙ୍କ ବାପା ଜଣେ ରାଜମିସ୍ତ୍ରୀ । ଗରିବ ପରିବାରରେ ଜନ୍ମଗ୍ରହଣ ସନ୍ତୋଷ ପିଲାବେଳେ ୨ଓଳି ୨ମୁଠା ସଠିକ୍ ଭାବରେ ଖାଇବାକୁ ପାଉନଥିଲେ । ଘରର ଆର୍ଥିକ ଅବସ୍ଥା ଭଲନଥିବା କାରଣରୁ ସନ୍ତୋଷ ବହୁ କଷ୍ଟକରି ସ୍କୁଲ ପଢା ଶେଷକରିଥିଲେ ।
ଘରର ଆର୍ଥିକ ଅବସ୍ଥା ସ୍ୱଚ୍ଛଳ ନଥିବାରୁ ସନ୍ତୋଷ ଟଙ୍କା ରୋଜଗାର କରିବା ଆଶାରେ ନିଜ ପାଠପଢାରେ ଅଧାରୁ ଡୋରି ବାନ୍ଧିଥିଲେ । କିନ୍ତୁ କିଛି ବର୍ଷ ବିତିବା ପରେ ସନ୍ତୋଷ ୨୦୧୫ ମସିହାରୁ ପୁଣି ପାଠପଢା ଆରମ୍ଭ କରିଥିଲେ । ଏବଂ ୨୦୧୮ ମସିହାରେ ସନ୍ତୋଷ ଏମପିପିଏସସି ପରୀକ୍ଷା ଦେଇଥିବା ବେଳେ, ସେଥିରେ ସେ ୨୨ ନମ୍ବର ର୍ୟାଙ୍କ ହାସଲ କରିଛନ୍ତି । ଏପରିକି ସନ୍ତୋଷ ପରୀକ୍ଷାରେ ଭଲ ନମ୍ବର ରଖିବା ପାଇଁ କୌଣସି ଟ୍ୟୁସନ କିମ୍ବା କୋଚିଙ୍ଗର ମଧ୍ୟ ସହାୟତା ନେଇ ନାହାନ୍ତି । ବର୍ତ୍ତମାନ ସନ୍ତୋଷ ଡିସିିପି ଭାବରେ କାର୍ଯ୍ୟରତ ଅଛନ୍ତି ।
ଆହୁରି ପଢନ୍ତୁ
