ଆସାମର ଦିବ୍ରୁଗଡ଼ରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ୨୦୨୪ ନିର୍ବାଚନ ଉପରେ ଦେଇଛନ୍ତି ବଡ଼ ମନ୍ତବ୍ୟ । ଶାହା କହିଛନ୍ତି, ଆସନ୍ତା ସାଧାରଣ ନିର୍ବାଚନରେ ଆସାମର ୧୪ଟି ସିଟ୍ ମଧ୍ୟରୁ ଭାଜପା ଅତିକମରେ ୧୨ଟିରେ ବିଜୟୀ ହେବ । ଏହାସହ ଭାଜପା ଦେଶରେ ୩ଶହରୁ ଅଧିକ ସିଟ୍ ଦଖଲ କରିବ ଏବଂ ନରେନ୍ଦ୍ର ମୋଦୀ ତୃତୀୟଥର ପାଇଁ ପୁଣି ପ୍ରଧାନମନ୍ତ୍ରୀ ହେବେ । ସଙ୍ଗଠନ ଆଧାରରେ ଭାଜପା ଏକ ବଡ଼ ଦଳ । ବର୍ତମାନ ଉତ୍ତର-ପୂର୍ବର ୩ଟି ରାଜ୍ୟରେ ନିର୍ବାଚନ ଅନୁଷ୍ଠିତ ହୋଇଥିଲା ।
୩ଟିଯାକ ରାଜ୍ୟରେ ବିଜେପି ସରକାର ଗଠନ କରିଛି । ସେହିପରି ଉତ୍ତର-ପୂର୍ବର ୮ଟି ରାଜ୍ୟରେ ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଏନଡିଏ ସରକାରରେ ଅଛି । ଏହି କାରଣରୁ ଉତ୍ତର-ପୂର୍ବର ବିକାଶ ଘଟିଛି ବୋଲି କହିଛନ୍ତି ଗୃହମନ୍ତ୍ରୀ । ଏହି ଅବସରରେ ଅମିତ୍ ଶାହା କଂଗ୍ରେସ ଉପରେ ମଧ୍ୟ ମନଭରି ବର୍ଷିଛନ୍ତି । ଶାହା କହିଛନ୍ତି, ରାହୁଲ ଗାନ୍ଧୀଙ୍କ ମାଆ ବି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଗାଳି ଦେଇ ଦୁଇଧାଡି ଲେଖିଛନ୍ତି ।
ଅଧିକ ପଢନ୍ତୁ
ଆହୁରି ପଢନ୍ତୁ
