ସୁପ୍ରିମକୋର୍ଟଙ୍କ ନିର୍ଦ୍ଦେଶ, ଯାଞ୍ଚ ହେବ ଆଇନଜୀବୀଙ୍କ ଶିକ୍ଷାଗତ ପ୍ରମାଣପତ୍ର

ଦେଶରେ ଥିବା ଆଇନଜୀବୀଙ୍କ ପ୍ରମାଣପତ୍ର ଯାଞ୍ଚ ନେଇ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ । ନକଲି ଆଇନଜୀବୀଙ୍କୁ ଚିହ୍ନଟ କରିବା ନିମନ୍ତେ, ଏଭଳି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି ସୁପ୍ରିମକୋର୍ଟ । ପ୍ରଧାନ ବିଚାରପତି ଜଷ୍ଟିସ୍ ଡି ୱାଇ ଚନ୍ଦ୍ରଚୂଡଙ୍କ ଦ୍ୱାରା ଗଠିତ ଖଣ୍ଡପୀଠ ମାମଲାର ଶୁଣାଣି କରିଛନ୍ତି ।

ଅଧିକ ପଢନ୍ତୁ

ଆହୁରି ପଢନ୍ତୁ

ସୂଚନାନୁସାରେ ଆଇନଜୀବୀଙ୍କ ଆଇନ ଡିଗ୍ରୀ ଯାଞ୍ଚ ନେଇ ସୁପ୍ରିମକୋର୍ଟରେ ଆବେଦନ ହୋଇଥିବା ଏକ ମାମଲାର ଶୁଣାଣି କରି ସର୍ବୋଚ୍ଚ ନ୍ୟାୟାଳୟ ଆବେଦନ ସପକ୍ଷରେ ନିର୍ଦ୍ଦେଶ ଦେଇଛନ୍ତି । ପ୍ରଧାନ ବିଚାରପତି ଜଷ୍ଟିସ୍ ଡି ୱାଇ ଚନ୍ଦ୍ରଚୂଡ, ଜଷ୍ଟିସ ପି ଏସ ନରସିଂହା ଏବଂ ଜଷ୍ଟିସ୍ ଜେ ପି ପରଦିୱାଲାଙ୍କ ଖଣ୍ଡପୀଠ ମାମଲାର ଶୁଣାଣି କରି ନିର୍ଦ୍ଦେଶ ଦେଇଛନ୍ତି । ଏହାସହ ପୂର୍ବତନ ବିଚାରପତି ଜଷ୍ଟସି ଦୀପକ ଗୁପ୍ତାଙ୍କ ନେତୃତ୍ୱରେ ଏକ ୮ଜଣିଆ ଟିମ୍ ଗଠନ କରାଯାଇଛି । ଏହି କମିଟିରେ ଦୀପକ ଗୁପ୍ତାଙ୍କ ବ୍ୟତୀତ, ଅରୁଣ ଟଣ୍ଡନ, ରାଜେନ୍ଦ୍ର ମେନନ, ଆଇନଜୀବୀ ରାକେଶ ଦ୍ୱିବେଦୀ, ମନିନ୍ଦର ସିଂ ପ୍ରମୁଖ ସାମିଲ ରହିଛନ୍ତି । ଏହି କମିଟି ମାଧ୍ୟମରେ ସମସ୍ତ ରାଜ୍ୟର ଓକିଲ ସଂଘ ପକ୍ଷରୁ ଆଇନଜୀବୀଙ୍କ ଡିଗ୍ରୀ ଯାଞ୍ଚ କରାଯିବ । ଆଇନଜୀବୀଙ୍କ ମୂଳ ପ୍ରମାଣ ପତ୍ର ସହିତ ଆଇନ ଡିଗ୍ରୀ ଏବଂ ଅନ୍ୟାନ୍ୟ ଯୋଗ୍ୟତା ପ୍ରମାଣ ପତ୍ରର ମଧ୍ୟ ଯାଞ୍ଚ ହେବ । ଆସନ୍ତା ଅଗଷ୍ଟ ୩୧ ସୁଦ୍ଧା ଗଠିତ ହୋଇଥିବା କମିଟି ଖଣ୍ଡପୀଠଙ୍କ ନିକଟରେ ଦାଖଲ କରିବେ ।

ସୂଚନାଯୋଗ୍ୟ ପୂର୍ବରୁ ମଧ୍ୟ ୨୦୧୫ ମସିହାରେ ୨ଜଣିଆ ଖଣ୍ଡପୀଠ, ପ୍ରଥମେ ଦେଶର ସମସ୍ତ ଆଇନଜୀବୀଙ୍କ ପ୍ରମାଣପତ୍ର ଯାଞ୍ଚ କରିବା ପାଇଁ ନିର୍ଦ୍ଦେଶ ଦେଇଥିଲେ । ବାର କାଉନସିଲ ଅଫ୍ ଇଣ୍ଡିଆ ପକ୍ଷରୁ ଏହି ନିୟମ ବିରୋଧରେ ହାଇକୋର୍ଟରେ ଚ୍ୟାଲେଞ୍ଜ କରାଯାଇଥିଲା । ଏବଂ ପରେ ମାମଲାକୁ ସୁପ୍ରିମକୋର୍ଟକୁ ସ୍ଥାନାନ୍ତର କରାଯାଇଥିଲା । କିନ୍ତୁ ଯାଞ୍ଚ ସମୟରେ ବିଭିନ୍ନ ବୋର୍ଡ ଏବଂ ବିଶ୍ୱବିଦ୍ୟାଳୟ ପକ୍ଷରୁ ଅର୍ଥ କାରାବାରର ଅଭିଯୋଗ ଆସିବା ପରେ, ଏହି ଯାଞ୍ଚ ପ୍ରକ୍ରିୟାକୁ ସ୍ଥଗିତ କରାଯାଇଥିଲା ।