ମୂଷା ମାରି ୫ବର୍ଷ ଜେଲଦଣ୍ଡ ଭୋଗିଛନ୍ତି ଜଣେ ଅଭିଯୁକ୍ତ । ଏଭଳି ଆଶ୍ଚର୍ଯ୍ୟଜନକ ଘଟଣା ଘଟିଛି ଉତରପ୍ରଦେଶର ବଦାୟୁଁ ଅଞ୍ଚଳରେ । ପୋଲିସ ସମ୍ପୃକ୍ତ ବ୍ୟକ୍ତିଙ୍କ ନାଁରେ ହତ୍ୟା ମାମଲା ଦାଏର କରିବା ସହ ୩୩ ପୃଷ୍ଠାର ଚାର୍ଜସିଟ୍ ପ୍ରସ୍ତୁତ କରିଥିଲା । ଘଟଣାର ଅଧିକ ତଦନ୍ତ ପରେ ବ୍ୟକ୍ତି ଜଣଙ୍କ ଦୋଷୀ ବୋଲି ଜାଣିବାକୁ ପାଇଥିଲା ପୋଲିସ । ପରେ ତାଙ୍କୁ ବିଚାର ପାଇଁ କୋର୍ଟକୁ ପଠାଯାଇଥିଲା ।
ଅଧିକ ପଢନ୍ତୁ
ସମସ୍ତେ ଅଭିଯୁକ୍ତଙ୍କୁ କି ଦଣ୍ଡ ମିଳିବ ସେ ନେଇ ସମସ୍ତେ ଉତ୍ସୁକତାର ସହ ଅପେକ୍ଷା କରି ରହିଥିଲେ । ହେଲେ କୋର୍ଟ ଆଜି ତାଙ୍କୁ ମୂଷା ମର୍ଡର କେସରେ ୫ବର୍ଷର ଜେଲଦଣ୍ଡ ଶୁଣାଇଛନ୍ତି । ସୂଚନା ମୁତାବକ, ଉତ୍ତରପ୍ରଦେଶର କୋତୱାଲି ଅଞ୍ଚଳରେ ରହୁଥିବା ମନୋଜ ନାମକ ଜଣେ ବ୍ୟକ୍ତିଙ୍କ ବିରୋଧରେ ଗତ ୨୭ ନଭେମ୍ବରରେ ଏକ ଅଭିଯୋଗ ଦାଖଲ ହୋଇଥିଲା । ସ୍ଥାନୀୟଲୋକଙ୍କ କହିବା ଅନୁଯାୟୀ ସେମାନେ ମନୋଜଙ୍କୁ ମୂଷାଟିକୁ ମାରୁଥିବା ଦେଖିଥିଲେ ।
ଅଭିଯୁକ୍ତ ମନୋଜ ମୂଷାର ଲାଞ୍ଜରେ ଏକ ଦଉଡି ସହ ପଥର ବାନ୍ଧି ତା’କୁ ଏକ ନାଳରେ ଫିଙ୍ଗିଦେଇଥିଲେ । ପରେ ଏ ସମ୍ପର୍କରେ ସ୍ଥାନୀୟଲୋକେ ମନୋଜଙ୍କ ବିରୋଧରେ ଥାନାରେ ଏକ ମାମଲା ଦାଏର କରିଥିଲେ । ହେଲେ ଏ ସମ୍ପର୍କରେ ମନୋଜ ନିଜ ସଫେଇରେ କହିଛନ୍ତି, ମୂଷାଟି ପାଇଁ ତାଙ୍କୁ ବହୁ ସମସ୍ୟା ଭୋଗିବାକୁ ପଡୁଥିଲା । ମୂଷାଟି ଘରେ ପଶିବା ସହ ବାରମ୍ବାର ମାଟିରେ ନିର୍ମିତ ବାସନକୁସନଗୁହିକୁ ତଳେ ଗଡାଇ ଦେଉଥିଲା ।
ଆହୁରି ପଢନ୍ତୁ
