୧୩୮ବର୍ଷ ପରେ ଜନ୍ମ ହେଲା ଝିଅ

ଗୋଟିଏ କି ଦୁଇଟି ପିଢୀ ନୁହେଁ ଦୀର୍ଘ ୬ ପିଢୀ ପରେ ଘରକୁ ଆସିଲା କନ୍ୟାସନ୍ତାନ । ୧୩୮ବର୍ଷ ପରେ ଘରେ ଝିଅ ଜନ୍ମ ହୋଇଥିବାରୁ ଏବେ ପରିବାରବର୍ଗଙ୍କ ଖୁସିର ସୀମା ନାହିଁ । ଏହି ଖବରଟି ସୋସିଆଲ ମିଡିଆରେ ଭାଇରାଲ ହେବା ପରେ ଏହି ପରିବାର ତାଙ୍କ କାହାଣୀ ସେୟାର କରିଛନ୍ତି । ଏବେ ସମଗ୍ର ବିଶ୍ୱ କନ୍ୟା ସନ୍ତାନଙ୍କୁ ସ୍ୱାଗତ କରିଛି । ସୂଚନା ମୁତାବକ ଆମେରିକାର ମିଶିଗନରେ ରହୁଥିବା ଆଣ୍ଡ୍ର‌୍ୟୁଙ୍କ ପରିବାରରେ ଗତ ୧୮୮୫ରେ ଶେଷଥର ପାଇଁ କନ୍ୟା ସନ୍ତାନ ଜନ୍ମ ହୋଇଥିଲା । ପରିବାରର ଇତିହାସ ଦେଖି ଆଣ୍ଡ୍ର‌୍ୟୁ ଓ ତାଙ୍କ ପତ୍ନୀ କଲିନ ମଧ୍ୟ ସେମାନଙ୍କର ଝିଅ ହେବ ବୋଲି କେବେ ବି ଆଶା କରିନଥିଲେ ।

ପୂର୍ବରୁ ସେମାନଙ୍କର ୪ବର୍ଷର ପୁଅ ଥିଲା । ଯେତେବେଳେ ସେମାନଙ୍କର ଝିଅ ହେଲା ଖୁସିରେ ପାଗଳ ହୋଇଉଠିଥିଲେ ଦମ୍ପତି । ଆଣ୍ଡ୍ରୁ୍ର‌୍ୟ ପରିବାର ଏକ ନେଇ ଏକ ଭବ୍ୟ ପାର୍ଟିର ଆୟୋଜନ ମଧ୍ୟ କରିଥିଲେ । ଗୋଟିଏ ପରିବାରର ୬ ପିଢୀ ଧରି ଝିଅ ନହେବା ନିଶ୍ଚିତ ଭାବେ ଆଶ୍ଚର୍ଯ୍ୟର କଥା ବୋଲି କହିଛନ୍ତି ପ୍ରସବ କରାଇଥିବା ଡାକ୍ତର । ହେଲେ ଏହି ପରିବାରରେ କନ୍ୟାସନ୍ତାନ ଜନ୍ମ ହେଉନଥିବାରୁ ଦୀର୍ଘ ୬ପିଢୀ ଧରି ସେମାନେ ଚିନ୍ତାରେ ଥିବାବେଳେ ଏବେ ତାଙ୍କ ପରିବାରରେ ଝିଅ ଜନ୍ମ ହୋଇଛି । ଯାହାକୁ ଏବେ ସ୍ୱାଗତ କରୁଛି ସମଗ୍ର ବିଶ୍ୱ । ଏପରି କି ଡାକ୍ତର ମଧ୍ୟ ଏହାକୁ ଏକ ଆଶ୍ଚର୍ଯ୍ୟଜନକ ଘଟଣା ବୋଲି କହିଛନ୍ତି ।