ରାଜସ୍ଥାନ କଂଗ୍ରେସରେ ପୁଣି ବିଦ୍ରୋହ । ତେଜିବାରେ ଲାଗିଛି ଗେହଲଟଙ୍କ ଓ ପାଇଲଟଙ୍କ କଳି । ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କ ବିରୋଧରେ ଦିନିକିଆ ଅନଶନ ଘୋଷଣା କରିଛନ୍ତି ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟ । ବସୁନ୍ଧରା ରାଜେଙ୍କ ଅମଳରେ ହୋଇଥିବା ଦୁର୍ନୀତିର ତଦନ୍ତ ଦାବି କରି ପାଇଲଟ ଆଜି ଶହୀଦ ୟ ଅନଶନ କରୁଛନ୍ତି । ରାଜସ୍ଥାନ ବିଧାନସଭା ନିର୍ବାଚନ ପୂର୍ବରୁ ଦୁଇ କଂଗ୍ରେସ ନେତାଙ୍କ ମଧ୍ୟରେ ଏହି ବିବାଦ ଦଳ ପାଇଁ ମୁଣ୍ଡବିନ୍ଧାର କାରଣ ହୋଇଛି । ପାଇଲଟଙ୍କ ଅନଶନକୁ କଂଗ୍ରେସ ପ୍ରଭାରୀ ସୁଖଜିନ୍ଦର ସିଂହ ରାନ୍ଧୱା ଦଳ ବିରୋଧି ଗତିବିଧି ବୋଲି କହିଛନ୍ତି ।ଏହାସହ ସଚିନ ପାଇଲଟଙ୍କ ବିରୋଧରେ ଅନୁଶାସନତ୍ମକ କାର୍ଯ୍ୟାନୁଷ୍ଠାନ ନିଆଯାଇପାରେ ।
ବିଜେପି ନେତା ବସୁନ୍ଧରା ରାଜେଙ୍କ ସରକାର ଅମଳରେ ଦୁର୍ନୀତି ଅଭିଯୋଗ ହୋଇଥିଲା । କଂଗ୍ରେସ କ୍ଷମତାକୁ ଆସିବା ପୂର୍ବରୁ ଏହି ମାମଲାର ତଦନ୍ତ ହେବ ବୋଲି କହିଥିଲା । ମାତ୍ର ମୁଖ୍ୟମନ୍ତ୍ରୀ ଅଶୋକ ଗେହଲଟ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେଙ୍କ ବିରୋଧରେ ଏଯାବତ୍ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି । ଦୁହିଁଙ୍କ ମଧ୍ୟରେ ଭିତରି ବୁଝାମଣା ଥିବା ପାଇଲଟ ଅଭିଯୋଗ କରିଛନ୍ତି ।
ଅଧିକ ପଢନ୍ତୁ
