ନିର୍ବାଚନ ପୂର୍ବରୁ ବଡ଼ ଝଟକା : ୩ ଦଳ ହରାଇଲେ ଜାତୀୟ ମାନ୍ୟତା

୨୪ସାଧାରଣ ନିର୍ବାଚନ ପୂର୍ବରୁ ୩ ରାଜନୈତୀକ ଦଳକୁ ଲାଗିଛି ଶକ୍ତ ଝଟକା । ମୁଖ୍ୟ ନିର୍ବାଚନ କମିଶନଙ୍କ ନିଷ୍ପତିକ୍ରମେ ଏହି ୩ ଦଳକୁ ଜାତୀୟ ମାନ୍ୟତା ହରାଇବାକୁ ପଡ଼ିଛି । ପଶ୍ଚିମବଙ୍ଗର ଟିଏମସି, ଶରଦ୍ ପାୱାରଙ୍କ ଏନସିପି ଏବଂ ସିପିଆଇକୁ ଲାଗିଛି ବଡ଼ ଧକ୍କା । ଅପରପକ୍ଷରେ ଅରବିନ୍ଦ କେଜ୍ରିୱାଲଙ୍କ ଆମ ଆଦମୀ ପାର୍ଟି ଜାତୀୟ ରାଜନୈତିକ ଦଳର ମାନ୍ୟତା ପାଇଛି । ଏହି ୩ଟି ଦଳ ନିଜର ମାନ୍ୟତା ହରାଇବା ପରେ ଏବେ ଜାତୀୟ ରାଜନୈତିକ ଦଳ ସଂଖ୍ୟା ୪କୁ ଖସିଆସିଛି । ପୂର୍ବରୁ କଂଗ୍ରେସ, ବିଜେପି, ସିପିଆଇ, ସିପିଆଇଏମ୍‌, ଟିଏମସି, ବହୁଜନ ସମାଜବାଦୀ ପାର୍ଟି ଏବଂ ଶରଦ୍ ପାୱାରଙ୍କ ଏନସିପି ଜାତୀୟ ଦଳ ଭାବେ ମାନ୍ୟତା ପାଇଥିଲେ ।

ଅଧିକ ପଢନ୍ତୁ

ଆହୁରି ପଢନ୍ତୁ

ଏହି ୩ଟି ଦଳକୁ ଝଟକା ଲାଗିବା ପରେ ଏବେ କେନ୍ଦ୍ର ବିରୋଧରେ ଏକାଠି ହେବାକୁ ଅନ୍ୟ ଦଳ ସହ ଏହି ୩ଦଳ ଅଣ୍ଟା ଭିଡ଼ିଛନ୍ତି । ହେଲେ ଏ କ୍ଷେତ୍ରରେ ‘ଆପ’ କୁ ମିଳିଛି ବଡ଼ ସଫଳତା । ଆପ୍‌ର ଜାତୀୟ ସ୍ତରର ମାନ୍ୟତାକୁ ନେଇ ଗତ ସପ୍ତାହରେ କର୍ଣ୍ଣାଟକ ହାଇକୋର୍ଟ ମୁଖ୍ୟ ନିର୍ବାଚନ କମିଶନଙ୍କୁ ଚିଠି ଲେଖିବା ସହ ଏ ସମ୍ପର୍କରେ ସ୍ପଷ୍ଟ କରିବାକୁ ନିର୍ଦ୍ଦେଶ ଦେଇଥିଲେ । ସେହି ଅନୁସାରେ ନିର୍ବାଚନ କମିଶନ ସୋମବାର ନିଜର ନିଷ୍ପତି ଘୋଷଣା କରିବା ସହ ଆପକୁ ଜାତୀୟ ଦଳର ମାନ୍ୟତା ପ୍ରଦାନ କରିଛନ୍ତି ।

ଆପର ଜାତୀୟସ୍ତରର ମାନ୍ୟତାକୁ ନେଇ ଗତ ସପ୍ତାହରେ କର୍ଣ୍ଣାଟକ ହାଇକୋର୍ଟ ମୁଖ୍ୟ ନିର୍ବାଚନ କମିଶନଙ୍କୁ ଚିଠି ଲେଖିବା ସହ ଏ ସମ୍ପର୍କରେ ସ୍ପଷ୍ଟ କରିବାକୁ ନିର୍ଦ୍ଦେଶ ଦେଇଥିଲେ । ତେଣୁକରି ଏବେ ଆପକୁ ଜାତୀୟଦଳର ମାନ୍ୟତା ମିଳିଥିବା ଜଣାପଡ଼ିଛି । ଯେଉଁ ସମୟରେ ଆପ୍ ଏହି ମାନ୍ୟତା ଲାଭ କରିଛି ତାହା ଦଳ ପାଇଁ ଏକ ସଫଳତା ହେବ । ସେହିପରି ନିର୍ବାଚନ କମିଶନଙ୍କ ଏଭଳି ନିଷ୍ପତିକୁ ବିରୋଧ କରି ଆଜି କୋର୍ଟଙ୍କ ଦ୍ୱାରସ୍ତ ହେବାକୁ ନିଷ୍ପତି ନେଇଛି ଟିଏମସି । ଅପରପକ୍ଷରେ ଜାତୀୟ ଦଳର ମାନ୍ୟତା ପାଇଥିବା ଆମ ଆଦମୀ ପାର୍ଟି ଆଜି ଦିଲ୍ଲୀରେ ଏକ ସ୍ୱତନ୍ତ୍ର ଉତ୍ସବ ଆୟୋଜନ କରିବ ବୋଲି ଘୋଷଣା କରିଛନ୍ତି ଦଳ ମୁଖ୍ୟ ଅରବିନ୍ଦ କେଜ୍ରୀୱାଲ ।