ହାରିଲା RCB କାନ୍ଦିଲେ ଫ୍ୟାନ୍ସ

ବାଙ୍ଗାଲୋରରେ ଖେଳାଯାଇଥିବା ଆଇପିଏଲର ୧୫ ତମ ମୁକାବିଲାକୁ ଶେଷ ବଲ ଜିତି ନେଇଛି ଲକ୍ଷ୍ନୈ ସୁପର ଜିଆଣ୍ଟସ । ଏହି ମ୍ୟାଚ ରେ ବାଙ୍ଗାଲୋର ହାରିଵା ପରେ ଆରସିବି ଫ୍ୟାନ୍ସ କାନ୍ଦୁଥିବା ଥିବା ଦେଖିବାକୁ ମିଳିଛି | ୨୧୨ ରନର ବିଶାଳ ସ୍କୋର କରି ଆରସିବି ହାରିଯାଇଥିବା ବେଳେ, ଷ୍ଟାଡିୟମରେ ଫ୍ୟାନ୍ସ ଙ୍କ ଆଖିରୁ ଲୁହ ବାହାରୁ ଥିବାର ଦେଖିବାକୁ ମିଳିଛି।

ଏହି ମ୍ୟାଚରେ ବିଶାଳ ସ୍କୋର କରିବା ସତ୍ତ୍ବେ ଲକ୍ଷ୍ନୌ ଠାରୁ 1 ୱିକେଟରେ ହାରିଛି ବାଙ୍ଗାଲୋର । ଏହାସହ ଲଗାତାର ଦ୍ବିତୀୟ ମ୍ୟାଚରେ ପରାଜୟ ବରଣ କରିଛି ଆରସିବି । ପ୍ରଥମେ ବ୍ୟାଟିଂ କରିବାକୁ ଆସି ଆରସିବିର ପ୍ରାରମ୍ଭିକ ବ୍ୟାଟର ଦମଦାର ଖେଳ ପ୍ରଦର୍ଶନ କରିଥିଲେ । ବିରାଟ କୋହଲି ଓ ଫାଫ ଡୁପ୍ଲେସିସଙ୍କ ମଧ୍ୟରେ 96 ରନର ଭାଗିଦାରୀ ହୋଇଥିଲା । । ଏହାପରେ ଫାଫ ଡୁପ୍ଲେସିସ ଓ ମାକ୍ସୱେଲଙ୍କ ମଧ୍ୟରେ ଏକ ଶତକୀୟ ଭାଗିଦାରୀ ଦେଖିବାକୁ ମିଳିଥିଲା । ଉଭୟଙ୍କ ମଧ୍ୟରେ 115 ରନର ଭାଗିଦାରୀ ହୋଇଥିଲା । ମାକ୍ସୱେଲ 29ଟି ବଲରେ 6ଟି ଛକା ଓ 3ଟି ଚୌକା ବଳରେ 59 ରନ କରିଥିଲେ । ତେବେ ସେ ମାର୍କ ଉଡଙ୍କ ବଲରେ ବୋଲ୍ଡ ହୋଇଥିଲେ । ସେପଟେ ଫାଫ ଡୁପ୍ଲେସିସ 46 ବଲ ଖେଳି ଅପରାଜିତ 79 ରନ ସଂଗ୍ରହ କରିଥିଲେ । ନିର୍ଦ୍ଧାରିତ 20 ଓଭରରେ ମାତ୍ର 2 ୱିକେଟ ବିନିମୟରେ 212 ରନର ବିଶାଳ ସ୍କୋର କରିଥିଲା ଆରସିବି ।

ବିଜୟ ଲକ୍ଷ୍ୟର ପିଛା କରିବାକୁ ଆସି ଲକ୍ଷ୍ନୌ ଦଳ ପ୍ରାରମ୍ଭରୁ ୱିକେଟ ହରାଇଥିଲା । କାୟଲ ମାୟର୍ସ ଖାତା ଖୋଲିବା ପୂର୍ବରୁ ଆଉଟ ହୋଇଥିଲେ । 23 ରନ ମଧ୍ୟରେ 3ଟି ୱିକେଟ ହରାଇଥିଲା ଲକ୍ଷ୍ନୌ । ତେବେ ଏହାପରେ ମାର୍କସ ଷ୍ଟୋଇନିସ ପଡ଼ିଆକୁ ଓହ୍ଲାଇଥିଲେ । ଲକ୍ଷ୍ନୌର ବିଜୟରେ ଗୁରୁତ୍ବପୂର୍ଣ୍ଣ ଭୂମିକା ନିଭାଇଥିଲେ । ସେ 30ଟି ବଲରେ 65 ରନ କରି ଆଉଟ ହୋଇଥିଲେ । କିନ୍ତୁ ନିକୋଲାସ ପୁରନ ଆଜି ତାଙ୍କର ସ୍ବଭାବିକ ଖେଳ ପ୍ରଦର୍ଶନ କରିଥିଲେ । ଆରସିବି ବୋଲରଙ୍କ ଉପରେ ପ୍ରହାର କରି ସେ 19ଟି ବଲରେ ଦୃତ 62 ରନ କରିଥିଲେ । ଯେଉଁଠାରୁ ଲକ୍ଷ୍ନୌ ବିଜୟ ରାସ୍ତା ସଫା ହୋଇଥିଲା । ଦଳୀୟ ସ୍କୋର 189 ହୋଇଥିବା ବେଳେ, ପୁରନ ମଧ୍ୟ ପାଭିଲିୟନ ଫେରିଥିଲେ । ଏହା ସତ୍ତ୍ବେ ଶେଷ ବଲ ପର୍ଯ୍ୟନ୍ତ ପିଚରେ ଛିଡ଼ା ହୋଇ ଆରସିବି ମୁଖରୁ ବିଜୟ ଛଡ଼ାଇ ଆଣିଥିଲେ ଲକ୍ଷ୍ନୌ ବ୍ୟାଟର ।ଆରସିବି ପକ୍ଷରୁ ମହମ୍ମଦ ସିରାଜ ଓ ୱେନ ପାର୍ନେଲ 3ଟି ଲେଖାଏଁ ୱିକେଟ ନେଇଥିବା ବେଳେ ହର୍ଷଲ ପଟେଲ ଶେଷ ଓଭରରେ 2ଟି ୱିକେଟ ନେଇଛନ୍ତି ।