ମହଙ୍ଗା ହେବ ଆମେରିକା ଯାତ୍ରା: ବଢିବ ଭିସା ଫି

ଖୁବଶୀଘ୍ର ମହଙ୍ଗା ହେବ ଆମେରିକା ଯାତ୍ରା । କାରଣ ଆସନ୍ତା ମେ’ ୩୧ରୁ ବୃଦ୍ଧି ପାଇବାକୁ ଯାଉଛି ଭିସା ଫି’ । ଆମେରିକା ବୈଦେଶିକ ବିଭାଗ ଭିସା ଆବେଦନ ଶୁଳ୍କ ବୃଦ୍ଧି କରିବାକୁ ନିଷ୍ପତି ନେଇଛି । କିଣି ଅଣ-ପ୍ରବାସୀ ଭିସା ଉପରେ ଏହି ଶୁଳ୍କ ବୃଦ୍ଧି କରାଯାଇଛି । ଏହି ନିଷ୍ପତ୍ତି ସହିତ ଭାରତୀୟ ଛାତ୍ରଛାତ୍ରୀ ଏବଂ ପର୍ଯ୍ୟଟକଙ୍କୁ ଭିସା ପାଇଁ ଅଧିକ ଫି’ ଦେବାକୁ ପଡିବ । ଆମେରିକାର ବୈଦେଶିକ ବିଭାଗ ଦ୍ୱାରା ଜାରି ବିବୃତି ଅନୁଯାୟୀ, ଅଣପ୍ରବାସୀ ଭିସା ପାଇଁ ବର୍ଦ୍ଧିତ ଶୁଳ୍କ ୩୦ ମେ’ ୨୦୨୩ରୁ ଲାଗୁ ହେବ । ଏହି ଭିସାଗୁଡିକରେ ପରିଦର୍ଶକ, ଟୁରିଷ୍ଟ ଭିସା, ଛାତ୍ର ଭିସା ଏବଂ ଏକ୍ସଚେଞ୍ଜ୍ ଭିଜିଟର ଭିସା ଇତ୍ୟାଦି ଅନ୍ତର୍ଭୁକ୍ତ ରହିଛି । ଭିସା ଆବେଦନ ଶୁଳ୍କ ଦେୟ ପାଇଁ ଏକେ ଗ୍ରେଡ୍ ଭାବେ ବୃଦ୍ଧି କରାଯାଇଛି ।

ବ୍ୟବସାୟିକ କିମ୍ବା ପର୍ଯ୍ୟଟକ (ବି-୧, ବି-୨ ଏବଂ ବିସିସି ) ଭିସା ଏବଂ ଅନ୍ୟାନ୍ୟ ଭିଜିଲାନ୍ସ ଭିତ୍ତିକ ଏନଆଇଭି ପରି ଛାତ୍ରଛାତ୍ରୀ ଭିସା ପାଇଁ ୨ହଜାର ଟଙ୍କା ଲେଖାଏଁ ଫି’ ବୃଦ୍ଧି ହେବ । ଯାହା ଏବେ ୧୩ହଜାରରୁ ୧୫ହଜାର ଟଙ୍କାକୁ ବୃଦ୍ଧି ପାଇବ । ବର୍ତମାନର ବିନିୟମ ମୂଲ୍ୟ ଅନୁଯାୟୀ ଏହି ନିୟମ ଲାଗୁ ହେବାପରେ ଭାରତୀୟ ଛାତ୍ରଛାତ୍ରୀଙ୍କୁ ଆମେରିକାର ଭିସା ପାଇଁ ପ୍ରାୟ ୧୫ହଜାର ୧୪୦ଟଙ୍କା ଦେବାକୁ ପଡ଼ିବ । ବିଭାଗ ଏହା ମଧ୍ୟ ସୂଚନା ଦେଇଛି ଯେ, ଅସ୍ଥାୟୀ ଶ୍ରମିକଙ୍କ ବିଭିନ୍ନ ବର୍ଗ ପାଇଁ କେତେକ ଆବେଦନଭିତ୍ତିକ ଅଣ-ପ୍ରବାସୀ ଭିସା ଉପରେ ଦେୟ ମଧ୍ୟ ୧୫ହଜାର ୫୫୭ରୁ ୧୬ହଜାର ୭୮୫ଟଙ୍କାଙ୍କୁ ବୃଦ୍ଧି ପାଇବ । ଏହାସହିତ ବ୍ୟବସାୟୀ, ନିବେଶକ ଏବଂ ଏକ ବିଶେଷ ବିବୃତ୍ତି ଥିବା ଆବେଦନକାରୀଙ୍କ ପାଇଁ ଦେୟ ୧୬ହଜାର ୭୮୫ରୁ ୨୫ହଜାର ୭୯୨ଟଙ୍କାକୁ ବୃଦ୍ଧି ପାଇବ ।