ଚିକିତ୍ସା କ୍ଷେତ୍ରରେ ପୁଣିଏକ ଇତିହାସ ରଚିଛି କଟକ ଏସସିବି ମେଡ଼ିକାଲ । ‘ଏକମୋ’ ମେସିନର ସଦୁପଯୋଗ କରି ଏକ ଜଟିଳ ଅସ୍ତ୍ରୋପଚାରକୁ ସଫଳ କରି ଦେଖାଇଛନ୍ତି ଏସସିବି ଡାକ୍ତର । ଏସସିବିର କାର୍ଡିଓ ଥୋରାସିସ୍ ଆଣ୍ଡ୍ ଭସ୍କୁଲାର ସର୍ଜରୀ ବିଭାଗର ଡାକ୍ତରମାନେ ଏହି ଚମତ୍କାର କରିଦେଖାଇଛନ୍ତି ।
କୌଣସି କୋଭିଡ଼୍ ରୋଗୀ ନୁହଁନ୍ତି, ଜଣେ ଯୁବକଙ୍କ ଶ୍ୱାସନଳୀରୁ କଢାଯାଇଛି ଅଢେଇ ସେଣ୍ଟିମିଟରର ଟ୍ୟୁମର । ଏଠାରେ ଏକମୋ ମେସିନ୍ ଥିବା ଯୋଗୁଁ ଏଭଳି ଅସ୍ତ୍ରୋପଚାର ସମ୍ଭବ ହୋଇପାରିଛି ବୋଲି ବିଭାଗୀୟ ମୁଖ୍ୟ ଡାକ୍ତର କହିଛନ୍ତି । ସୂଚନା ମୁତାବକ ଦେବଗଡ଼ ବରକୋଟ ଅଞ୍ଚଳର ୨୧ବର୍ଷିୟ ରିଙ୍କୁ ଲୋହରା ଗତ ୬ମାସ ହେବ ଶ୍ୱାସକ୍ରିୟାରେ ଅସୁବିଧାର ସମ୍ମୁଖୀନ ହେଉଥିଲେ । କେତେବେଳେ ତାଙ୍କ ଶ୍ୱାସକ୍ରିୟାରେ ବୃଦ୍ଧି ଘଟୁଥିଲା ତ ପୁଣି କେତେବେଳେ ନିଃଶ୍ୱାସପ୍ରଶ୍ୱାସ ନେବାବେଳେ ସମସ୍ୟା ଉପୁଜୁଥିଲା ।
ଅଧିକ ପଢନ୍ତୁ
ପରିବାରଲୋକେ ରିଙ୍କୁଙ୍କୁ ଏସସିବିର ଯକ୍ଷ୍ମା ଓ ଛାତିରୋଗ ବିଭାଗକୁ ଆଣିଥିଲେ । ଏଠାରେ ତାଙ୍କର ବ୍ରୋଙ୍କୋସ୍କୋପି କରାଯାଇଥିଲେ ବି କୌଣସି ସୁଫଳ ମିଳିନଥିଲା । ପରୀକ୍ଷା କରିବା ପରେ ତାଙ୍କ ଶ୍ୱାସନଳୀରେ ଟ୍ୟୁମର ଥିବା ଜଣାପଡିଥିଲା । ପରେ ତାଙ୍କୁ ସିଟିଭିଏସ୍ ବିଭାଗକୁ ସ୍ଥାନାନ୍ତର କରାଯାଇଥିଲା । ବିଭାଗୀୟ ମୁଖ୍ୟ ଡାକ୍ତରଙ୍କ ନେତୃତ୍ୱରେ ଏକ ଡାକ୍ତରୀଦଳ ୪ଘଣ୍ଟାର ଅସ୍ତ୍ରୋପଚାର କରିଥିଲେ ବି ଏହା ବିନା ଆନାସ୍ଥେସିଆରେ କରାଯାଇଥିଲା ।
ଆହୁରି ପଢନ୍ତୁ
