ବିଶ୍ୱର ସବୁଠୁ ବଡ଼ ଆମ୍ବେଦକର ପ୍ରତିମୂର୍ତ୍ତି

ଭାରତରେ ନିର୍ମିତ ହୋଇଛି ବିଶ୍ୱର ସବୁଠାରୁ ବଡ଼ ପ୍ରତିମୂର୍ତ୍ତି । ଏହି ସର୍ବବୃହତ ପ୍ରତିମୂର୍ତି ତେଲେଙ୍ଗାନାରେ ନିର୍ମାଣ କରାଯାଇଥିବା ବେଳେ ଏହା ହେଉଛି ସମ୍ବିଧାନର ପ୍ରଣେତା ଡ. ବିଆର. ଆମ୍ବେଦକରଙ୍କର । ଆସନ୍ତା ୧୪ଏପ୍ରିଲରେ ବାବା ସାହେବ ଆମ୍ବେଦକର ଜୟନ୍ତୀରେ ଉଦଘାଟିତ ହେବାକୁ ଥିବା ଏହି ପ୍ରତିମୂର୍ତି ଏବେ ସମ୍ପୂର୍ଣ୍ଣ ପ୍ରସ୍ତୁତ । ୧୧ଏକର ପରିମିତ ଯାଗାରେ ନିର୍ମିତ ହୋଇଛି ଏହି ସର୍ବବୃହତ୍ ୧୨୫ଫୁଟ ଉଚ୍ଚତା ବିଶିଷ୍ଟ ଏହି ପ୍ରତିମୂର୍ତ୍ତି । ପ୍ରସିଦ୍ଧ ଶିଳ୍ପୀକାର ତଥା ଆର୍କିଟେକ୍ଟ ରାମ. ବି. ସୂତାର ଓ ଅନୀଲ ସୁତାର ଏହି ପ୍ରତିମାର ଡିଜାଇନ ତିଆରି କରିଥିôବା ସୂଚନା ମିଳିଛି । ୨୦୧୬ରେ ଆରମ୍ଭ ହୋଇଥିଲା ଏହି ପ୍ରତିମୂର୍ତିର ନିର୍ମାଣ କାର୍ଯ୍ୟ ।

ଅଧିକ ପଢନ୍ତୁ

ଆହୁରି ପଢନ୍ତୁ

୧୪୫କୋଟି ଟଙ୍କା ବ୍ୟୟରେ ନିର୍ମିତ ଏହି ପ୍ରତିମୂର୍ତିରେ ବ୍ୟବହାର ହୋଇଛି ଅନେକ ଦାମୀ ପଥର ସହ ୧୧୦ଟନର ଷ୍ଟିଲ ଓ ୧୫୦ଟନର କାଂସ୍ୟ ସାମଗ୍ରୀ । ସେହିପରି ଏଥିରେ ଲାଗିଥିବା ପଥରଗୁଡିକ, ଆଗ୍ରା, ନୋଏଡ଼ା ଓ ଜୟପୁରରୁ ଆମଦାନୀ କରାଯାଇଛି । ତେଲେଙ୍ଗାନାର ଶହୀଦ ସ୍ମାରକ ଓ ହୁସେନ ସାଗରରେ ନିର୍ମିତ ବୁଦ୍ଧ ମୂର୍ତି ସହ ଆମ୍ବେଦକରଙ୍କ ପ୍ରତିମା ସାଚିବ ପର୍ଯ୍ୟଟକଙ୍କ ଆକର୍ଷଣର ମୁଖ୍ୟକେନ୍ଦ୍ର । ସେହିପରି ଆନ୍ଧ୍ରପ୍ରଦେଶ ସରକାରଙ୍କ ପକ୍ଷରୁ ବି ବିଜୟୱାଡ଼ାରେ ନିର୍ମିତ ହେଉଛି ୧୭୫ଫୁଟ ଉଚ୍ଚତା ବିଶିଷ୍ଟ ଆମ୍ବେଦକରଙ୍କର ଆଉଏକ ପ୍ରତିମୂର୍ତି । ଏହାର ନିର୍ମାଣ କାର୍ଯ୍ୟ ଶେଷ ହେବାକୁ ଥିବା ବେଳେ ଆସନ୍ତା ୧୪ତାରିଖରେ ଏହାକୁ ଉଦଘାଟନ କରିବାକୁ ସରକାର ଲକ୍ଷ୍ୟଧାର୍ଯ୍ୟ କରିଛନ୍ତି । ହେଲେ ପ୍ରତିମୂର୍ତିଟିର ନିର୍ମାଣ କାର୍ଯ୍ୟ ଏବେସୁଦ୍ଧା ସରିନଥିବା ବେଳେ ଏଥିପାଇଁ ଆଉ କିଛିମାସ ସମୟ ଲାଗିବ ବୋଲି କହିଛନ୍ତି ଆନ୍ଧ୍ରପ୍ରଦେଶର ଜଣେ ବରିଷ୍ଠ ସରକାରୀ ଅଧିକାରୀ ।