କମିବ ସିଏନଜି ଓ ପିଏନଜିର ଦାମ୍ । ସିଏନଜି ଏବଂ ପାଇପ ଦ୍ୱାରା ଯୋଗାଯାଉଥିବା ରୋଷେଇ ଗ୍ୟାସର ଦର ନିୟନ୍ତ୍ରଣ ପାଇଁ କେନ୍ଦ୍ର ସରକାର ନେଇଛନ୍ତି ବଡ଼ ପଦକ୍ଷେପ । କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ଠାକୁର କହିଛନ୍ତି, ମନ୍ତ୍ରୀମଣ୍ଡଳ ଗ୍ୟାସ ଦର ନିର୍ଦ୍ଧାରଣର ନୂଆ ଫର୍ମୁଲାକୁ ମଞ୍ଜୁରୀ ଦେଇଛନ୍ତି । ଏହାସହ ସିଏନଜି ଏବଂ ପାଇପ୍ ଯୋଗାଣ କରାଯାଉଥିବା ରୋଷେଇ ଗ୍ୟାସର ଦାମ୍ ଉପରେ ସର୍ବାଧିକ ସୀମା ନିର୍ଦ୍ଧାରଣ କରାଯାଇଛି ।
କେନ୍ଦ୍ରମନ୍ତ୍ରୀ କହିଛନ୍ତି, ଏପିଏମ ଗ୍ୟାସ୍ ପାଇଁ ଚାରି ଡଲାର ପ୍ରତି ଏମଏମବିଟିୟୁକୁ ମୂଲ୍ୟ ମଞ୍ଜୁରୀ ମିଳିଛି । ସର୍ବାଧିକ ମୂଲ୍ୟ ୬.୫ଡଲାର ପ୍ରତି ଏମଏମବିଟିୟୁ ରଖିବା ଉପରେ ମୋହର ମାରିଛନ୍ତି । ଏହାସହ ମନ୍ତ୍ରୀ କହିଛନ୍ତି, ଏପିଏମ୍ ଗ୍ୟାସ ଭାବେ ଜଣା ପାରମ୍ପରିକ କିମ୍ବା ପୁରୁଣା କ୍ଷେତ୍ରରୁ ଉତ୍ପାଦିତ ପ୍ରାକୃତିକ ଗ୍ୟାସକୁ ଏବେ ଆମେରିକା, କାନାଡ଼ା ଏବଂ ଋଷ ଭଳି ଦେଶରେ ଅଶୋଧିତ ତେଲର ଦାମ୍ ସହ ଯୋଡାଯିବ ।
ଅଧିକ ପଢନ୍ତୁ
ଆହୁରି ପଢନ୍ତୁ
