ଗାଡିଚାଳକ ହୋଇଯାଆନ୍ତୁ ସାବଧାନ । ଯେଉଁ ଗାଡ଼ିଚାଳକ ମୋଟରଯାନ ଆଇନର ଉଲ୍ଲ୍ଲଂଘନ କରିବେ, ସେମାନଙ୍କୁ ଗାଡି ବୀମା ବାବଦକୁ ଗଣିବାକୁ ପଡିବ ମୋଟା ଅଙ୍କର ଜରିମାନା । ଗାଡ଼ି ଯେତେ ପୁରୁଣା ହେଲେ ବି ଯଦି ଗାଡି ମାଲିକ ମୋଟରଯାନ ଆଇନ ଉଲ୍ଲଂଘନ କରିଥିବେ ତାଙ୍କର ବୀମାରାଶି ବର୍ଷକୁ ବର୍ଷ ବଢିଚାଲିବ । ଏଥିପାଇଁ ପରିବହନ ବିଭାଗ ପ୍ରସ୍ତୁତ କରିଛି ସ୍ୱତନ୍ତ୍ର ରଣନୀତି । ଏହାକୁ ସଡ଼କ ପରିବହନ ମନ୍ତ୍ରଣାଳୟ ଏବଂ ଆଇଆରଡିଏଆଇକୁ ଲାଗୁ କରିବାକୁ ପ୍ରସ୍ତାବ ଦିଆଯିବ ବୋଲି ଜଣାପଡ଼ିଛି । ନିକଟରେ ବାଣିଜ୍ୟ ଓ ପରିବହନ ବିଭାଗ ପ୍ରମୁଖ ସଚିବଙ୍କ ଅଧ୍ୟକ୍ଷତାରେ ବିଭିନ୍ନ ବୀମା କମ୍ପାନୀଙ୍କୁ ନେଇ ବୈଠକ ଅନୁଷ୍ଠିତ ହୋଇଥିଲା ।
ନିଷ୍ପତି ମୁତାବକ ଆସନ୍ତା ଏପ୍ରିଲ ୧୦ରୁ ୮ସପ୍ତାହ ପର୍ଯ୍ୟନ୍ତ ସାରା ରାଜ୍ୟରେ ଗାଡି ବୀମା ଯାଞ୍ଚ୍ ପ୍ରକ୍ରିୟା କଡ଼ାକଡ଼ି ହେବ । ୧୫ଟି ଜିଲ୍ଲାରେ ବୀମା ଖିଲାପକାରୀ ଅଧିକ ଥିବାରୁ ସେଠାରେ ଏହି ଯାଞ୍ଚ୍ ନିୟମିତ କରାଯିବ । ସେହିପରି ବୈଠକରେ ନିଷ୍ପତି ହୋଇଛି, ବୀମା କମ୍ପାନୀଙ୍କ ଡାଟାବେସକୁ ‘ବାହନ’ ଆପ୍ ସହ ସଂଯୋଗ କରାଯିବ । ଯେପରି କେହି ମାନୁଆଲ ଗାଡ଼ି ବୀମା କରିପାରିବେନି ସେ ଉପରେ ନଜର ରଖାଯିବ । ଯେଉଁମାନଙ୍କ ବିରୋଧରେ ମୋଟରଯାନ ଆଇନ ଉଲ୍ଲଂଘନ ଅଭିଯୋଗରେ ଇ-ଚାଲାଣ କଟିବ ସେମାନଙ୍କଠାରୁ ପ୍ରତି ଚାଲାଣ ପିଛା କେତେ ବୀମାରାଶି ବଢିବ ସେ ନେଇ ଏସଟିଏ ଏକ ସ୍ଲାବ୍ ମଧ୍ୟ ପ୍ରସ୍ତୁତ କରିଛି ।
ଅଧିକ ପଢନ୍ତୁ
ଆହୁରି ପଢନ୍ତୁ
