ସ୍କୁଟରଚାଳକଙ୍କ ପାଇଁ ଖୁସି ଖବର । ଭାରତୀୟ ବଜାରରେ ଲଂଚ୍ ହୋଇଛି ଗ୍ରାହକଙ୍କ ପସନ୍ଦିନା ସ୍କୁଟର ଆକ୍ଟିଭାର ନୂଆ ଇଲେକ୍ଟି୍ରକ୍ ଭର୍ସନ୍ । ସ୍ମାର୍ଟ ଚାବି ସହ ସ୍କୁଟରଟିରେ ରହିଛି ଅନେକ ଅତ୍ୟାଧୁନୀକ ଫିଚର୍ସ । ଏବେ ପେଟ୍ରୋଲର ଚାହିଦା ଦିନକୁ ଦିନ ବଢୁଥିବାରୁ ଅଧିକାଂଶ କମ୍ପାନୀ ସେମାନଙ୍କର ସ୍କୁଟର, ବାଇକ୍ ଓ କାରକୁ ଇଲେକ୍ଟି୍ରକ୍ ଭର୍ସନରେ ଲଂଚ୍ କରୁଛନ୍ତି । ଗ୍ରାହକଙ୍କର ଏହାଦ୍ୱାରା ଖର୍ଚ୍ଚ କମିବା ସହ ଏଥିରେ ରହୁଛି ଅନେକ ଫିଚର୍ସ । ଏପରିକ୍ଷେତ୍ରରେ ସ୍କୁଟର ବଜାରରେ ଦମ୍ ଦେଖାଉଥିବା ହୋଣ୍ଡା ଆକ୍ଟିଭାର ନୂଆ ଇଲେକ୍ଟି୍ରକ୍ ଭର୍ସନ୍ ଲଂଚ୍ କରିଛି କମ୍ପାନୀ । ଏଥିରେ ୧୨୫ସିସିର ଅତ୍ୟାଧୁନୀକ ଇଞ୍ଜିନ୍ ସହ ଖଞ୍ଜାଯାଇଛି ଏଚ୍ ସ୍ମାର୍ଟ ଟେକ୍ନୋଲୋଜି । ସେହିପରି ହୋଣ୍ଡା ଆକ୍ଟିଭା ଇଲେକ୍ଟି୍ରକ୍ ସ୍କୁଟରରେ ଖଞ୍ଜାଯାଇଛି ସ୍ମାର୍ଟଫାଇଣ୍ଡିଂ ଭଳି ହାଇ ଫିଚର୍ସ ।
ଏହାଦ୍ୱାରା ସ୍କୁଟରଟି କେଉଁଠି ପାର୍କିଂ ହୋଇଛି ସେ ବିଷୟରେ ମାଲିକଙ୍କୁ ସ୍ୱତନ୍ତ୍ର ସିଗନାଲ୍ ମିଳିପାରିବ । ଯଦି ଗହଳି ଭିତରେ ସ୍କୁଟରଟି ରହିଯାଇଛି ଆଉ ଏହାର ମାଲିକ ଏହାକୁ ଖୋଜି ପାଉନାହାନ୍ତି ତେବେ ତୁରନ୍ତ ଏହାର ଚାବିରେ ମିଳିପାରିବ ସିଗନାଲ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହାର ସ୍ମାର୍ଟ ଚାବିଟି ପକେଟରେ ଥିଲେ ବି ଆପଣ ଆରାମରେ ଗାଡିଟିକୁ ଷ୍ଟାର୍ଟ କରିପାରିବେ । ଏହାଛଡ଼ା ନୂଆ ଆକ୍ଟିଭାରେ ଖଞ୍ଜାଯାଇଥିବା ସ୍ୱତନ୍ତ୍ର ଟେକ୍ନୋଲୋଜି ଦ୍ୱାରା ରାଇଡର ଏହାର ଫୁଏଲ ଫିଲର କ୍ୟାପକୁ ବି ଆରାମରେ ଖୋଲିପାରିବେ । କେବଳ ସେତିକି ନୁହେଁ ଏହାର ହାଣ୍ଡେଲ ବାରଟି ଅନଲକ୍ ହେବାକ୍ଷଣି ଏହାର ଅଣ୍ଡର ସିଟ୍ ଷ୍ଟୋରେଜ୍ ବି ଖୋଲିହେବ । ହୋଣ୍ଡା ଆକ୍ଟିଭା ଇଲେକ୍ଟି୍ରକ୍ ସ୍କୁଟରରେ ଚାବି ନଲଗାଇ ମଧ୍ୟ ଏହାର ଚାଳକ ଗାଡିର ସମସ୍ତ ଫିଚର୍ସର ଲାଭ ଉଠାଇପାରିବେ ।
ଅଧିକ ପଢନ୍ତୁ
ଆହୁରି ପଢନ୍ତୁ
