ବାଇକର୍ସଙ୍କ ପାଇଁ ଖୁସି ଖବର । ଭାରତୀୟ ବଜାରରେ ଲଂଚ୍ ହୋଇଛି ଆଉଏକ ହାଇସ୍ପିଡ୍ ଇଲେକ୍ଟି୍ରକ୍ ବାଇକ୍ । ଏହାର ଅତ୍ୟାଧୁନୀକ ଫିଚର୍ସ ସହ ଦମଦାର ଲୁକ୍ ଗ୍ରାହକଙ୍କୁ ନିଜ ଆଡକୁ ଆକର୍ଷିତ କରିବ ବୋଲି ଦାବି କରିଛି କମ୍ପାନୀ । ଦୀର୍ଘ ୪ବର୍ଷର ପରୀକ୍ଷଣ ପରେ ଏହି ବାଇକଟି ବଜାରରେ ଲଂଚ୍ ହୋଇଛି । ହାଇସ୍ପିଡ୍ ବାଇକ୍ ‘ମ୍ୟାଟର ଏରା’ ଏବେ ୨ଟି ସେଗମେଂଟରେ ଲଂଚ୍ ହୋଇଥିବା ବେଳେ ଏହାର ଦାମ୍ ମଧ୍ୟ ଅଲଗା ରହିଛି । ଏରା-୫୦୦୦ର ଓ ଏରା ୫-୦୦୦ପ୍ଲସ୍ ମଡେଲ ଲଂଚ ହୋଇଛି । ଅହମ୍ମଦାବାଦର ଷ୍ଟାର୍ଟଅପ୍ କମ୍ପାନୀ ମ୍ୟାଟର ପକ୍ଷରୁ ଏହି ଦୁଇଟି ବାଇକ୍ ଲଂଚ୍ ହୋଇଥିବା ବେଳେ ଏଥିରେ ରହିଛି ଅନେକ ଫିଚର୍ସ ।
ପ୍ରାଥମିକ ପର୍ଯ୍ୟାୟରେ ବାଇକଟି ଭାରତର ସବୁ ରାଜ୍ୟର ରାଜଧାନୀ ଅର୍ଥାତ୍ ୨୨ଟି ସହରରେ ଲଂଚ୍ ହୋଇଛି । ଖୁବ୍ କମଦିନ ଭିତରେ ବାଇକଟି ଅନ୍ୟାନ୍ୟ ସହରରେ ଲଂଚ୍ ହେବ ବୋଲି କମ୍ପାନୀର ଅଧିକାରୀ କହିଛନ୍ତି । ମ୍ୟାଟର ଏରାରେ ୧୦କିଲୋୱାଟର ମୋଟର ଖଞ୍ଜାଯାଇଥିବା ବେଳେ ଥରେମାତ୍ର ଫୁଲଚାର୍ଜ କଲେ ଏହା ୧୨୫କିଲୋମିଟର ଯାଏଁ ଯାତ୍ରା କରିପାରିବ ବୋଲି ଦାବି କରିଛି କମ୍ପାନୀ । ଏହି ହାଇସ୍ପିଡ୍ ବାଇକଟିରେ ୪ସ୍ପିଡ୍ ମାନୁଆଲ ଟ୍ରାନ୍ସମିଶନ ଗିୟରବକ୍ସ ଖଞ୍ଜାଯାଇଥିବା ବେଳେ ମାତ୍ର ୬ ସେକେଣ୍ଡରେ ଘଂଟାପ୍ରତି ୬୦କିଲୋମିଟର ବେଗରେ ଗତି କରିପାରିବ । ସେହିପରି ମ୍ୟାଟର ଏରାରେ ଦିଆଯାଇଥିବା ଅନବୋର୍ଡ ରେଗୁଲାର ଚାର୍ଜର ଦ୍ୱାରା ଏହା ୫ଘଂଟାରେ ଫୁଲଚାର୍ଜ ହୋଇପାରିବ ।
ଅଧିକ ପଢନ୍ତୁ
ଆହୁରି ପଢନ୍ତୁ
