ଓଡ଼ିଶାରେ ହେବ ଆଉ ୫ଟି ସଫ୍ଟୱେର ପାର୍କ

ଓଡ଼ିଶାରେ ପ୍ରତିଷ୍ଠା ହେବ ଆଉ ୫ଟି ସଫ୍ଟୱେର ପାର୍କ । ସେହିପରି ଦେଶରେ ନୂଆକରି ମୋଟ୍ ୨୨ଟି ସଫ୍ଟୱେର ପାର୍କ ପ୍ରତିଷ୍ଠା ହେବ । ଏଥିରେ ରାଜ୍ୟର ୫ଟି ସ୍ଥାନରେ ଏହି ସଫ୍ଟୱେର ପାର୍କ ହେବ ବୋଲି ଜଣାପଡ଼ିଛି । ରାଜ୍ୟସଭାରେ ଏକ ଲିଖିତ ଉତରରେ ଏହି ତଥ୍ୟ ଦେଇଛନ୍ତି କେନ୍ଦ୍ର ଇଲୋକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ରାଜୀବ ଚନ୍ଦ୍ରଶେଖର ।

ମନ୍ତ୍ରୀ ଶ୍ରୀ ଚନ୍ଦ୍ରଶେଖର ମାର୍ଚ୍ଚ ୩୧ରେ ସଂସଦରେ ଦେଇଥିବା ତଥ୍ୟ ଅନୁସାରେ ଓଡ଼ିଶାର ବାଲେଶ୍ୱର, ସମ୍ବଲପୁର, ଯାଜପୁର, ଅନୁଗୋଳ ଓ କୋରାପୁଟ ସମେତ ଜୟପୁରଠାରେ ନୂଆକରି ପ୍ରତିଷ୍ଠା ହେବ ଏହି ସଫ୍ଟୱେର ପାର୍କ । ଏବେ ଓଡ଼ିଶାର ଭୁବନେଶ୍ୱର, ରାଉରକେଲା ଓ ବ୍ରହ୍ମପୁରରେ ସଫ୍ଟୱେର ସେଣ୍ଟର ରହିଛି । ସେହିପରି ଦେଶରେ ଏବେ ମୋଟ୍ ୬୩ଟି ସଫ୍ଟୱେର ପାର୍କ ଥିବା ଜଣାପଡିଛି ।