ଅତାବିରା ଓ ହିନ୍ଦୋଳ ଏନଏସି ନିର୍ବାଚନରେ ବିଜେଡିର ବାଜିମାତ୍‌

ରାଜ୍ୟର ଦୁଇଟି ଏନଏସି ନିର୍ବାଚନରେ ପୁଣିଥରେ ବାଜିମାତ୍‌ କରିଛି ବିଜୁ ଜନତା ଦଳ। ବରଗଡ଼ ଜିଲ୍ଲାର ଅତାବିରାର ୧୨ଟି ୱାର୍ଡରୁ ୧୧ଟିରେ ବିଜେଡି ପ୍ରାର୍ଥୀ ବିଜୟୀ ହୋଇଥିବାବେଳେ ଗୋଟିଏ ୱାର୍ଡରେ କଂଗ୍ରେସ ପ୍ରାର୍ଥୀ ବିଜୟୀ ହୋଇଛନ୍ତି | ସେହିପରି ଢେଙ୍କାନାଳ ଜିଲ୍ଲାର ହିନ୍ଦୋଳ ଏନ୍‌ଏସିରେ ୧୬ଟି ୱାର୍ଡରୁ ୧୧ଟିରେ ବିଜେଡି ପ୍ରାର୍ଥୀ ବିଜୟୀ ହୋଇଥିବାବେଳେ ୫ ଟି ୱାର୍ଡରେ ବିଜେପି ପ୍ରାର୍ଥୀ ବିଜୟୀ ହୋଇଛନ୍ତି |

ସୂଚନା ଅନୁସାରେ, ଅତାବିରା ଏନଏସି ଅଧ୍ୟକ୍ଷ ପଦ ପାଇଁ ବିଜେଡି ପ୍ରାର୍ଥୀ ବନମାଳି ବରିହା ବିଜୟୀ ହୋଇଛନ୍ତି। ସେ ୪୮୨୮ ଖଣ୍ଡ ଭୋଟ୍‌ ବ୍ୟବଧାନରେ ସର୍ବମୋଟ୍‌ ୬୫୬୫ ଖଣ୍ଡ ଭୋଟ୍‌ ପାଇଁ ବିଜୟୀ ହୋଇଥିବା ବେଳେ କଂଗ୍ରେସ ଦଳର ସବିତା ଭୁଏଙ୍କୁ ମିଳିଛି ୧୭୩୭ ଭୋଟ୍‌ ଏବଂ ବିଜେପିର ଲକ୍ଷ୍ମୀ ବେହେରା ୧୫୩୨ ଖଣ୍ଡ ଭୋଟ୍‌ ପାଇଛନ୍ତି।
ଅନ୍ୟପଟେ ହିନ୍ଦୋଳ ଏନଏସି ଅଧ୍ୟକ୍ଷ ଭାବେ ବିଜେଡିର କେଶବ ପ୍ରଧାନ ୪୫୪୭ ଖଣ୍ଡ ଭୋଟ ପାଇ ବିଜୟୀ ହୋଇଛନ୍ତି। ହିନ୍ଦୋଳ ଏନଏସି ଅଧ୍ୟକ୍ଷ ପଦ ପାଇଁ ଲଢୁଥିବା ବିଜେପିର ସୌଭାଗିନୀ ପ୍ରଧାନ ୩୯୨୩ ଖଣ୍ଡ ଭୋଟ ପାଇଥିବା ବେଳେ କଂଗ୍ରେସର ରୀତା ପଳେଇଙ୍କୁ୨୧୯ ଖଣ୍ଡ ଭୋଟ ମିଳିଛି। ହିନ୍ଦୋଳ ଏନଏସି ନିର୍ବାଚନରେ ମୋଟ ୧୬ଟି ୱାର୍ଡରୁ ବିଜେଡି ୧୧ଟି ୱାର୍ଡରେ ବିଜୟୀ ହୋଇଥିବା ବେଳେ, ବିଜେପି ୫ ୱାର୍ଡରେ ବିଜୟୀ ହୋଇଛି।