ବାଇକର୍ସଙ୍କ ପାଇଁ ଆଉଏକ ଖୁସି ଖବର । ଭାରତୀୟ ମାର୍କେଟରେ ଲଞ୍ଚ୍ ହୋଇଛି ଅତ୍ୟାଧୁନୀକ ଫିଚର୍ସଯୁକ୍ତ ଆଉଏକ ଇଲେକ୍ଟ୍ରିକ୍ ବାଇକ୍ । ଇଲେକ୍ଟ୍ରିକ୍ ବାଇକ୍ ସେଗମେଣ୍ଟ୍ ରେ ଯୋଡି ହୋଇଛି ଆଉଏକ ନୂଆ ପ୍ଲେୟାର । ଏବେ ବିଶ୍ୱର ପ୍ରମୁଖ ଅଟୋ ନିର୍ମାତାମାନେ ଇଲେକ୍ଟ୍ରିକ୍ ଭାରିଆଣ୍ଟର ନୂଆ ନୂଆ କାର, ବାଇକ୍ ଓ ସ୍କୁଟର ଲଞ୍ଚ୍ କରୁଛନ୍ତି । ଏପରିକ୍ଷେତ୍ରରେ ପ୍ରମୁଖ ଇଲେକ୍ଟ୍ରିକ୍ ଟୁ ହୁଇଲର ଷ୍ଟାର୍ଟଅପ୍ ପକ୍ଷରୁ ଲଞ୍ଚ୍ ହୋଇଛି ଅତ୍ୟାଧୁନୀକ ଫିଚର୍ସଯୁକ୍ତ ଓଡିସି ଭେଡର ଇଲେକ୍ଟ୍ରିକ୍ ବାଇକ୍ । ଏହାର ଆକର୍ଷଣୀୟ ଲୁକ୍ ସାଙ୍ଗକୁ ଦିଆଯାଇଛି ପାୱାରଫୁଲ ବ୍ୟାଟେରୀ । ବାଇକରେ ଖଞ୍ଜାଯାଇଛି ୩.୭ କେଡବ୍ଲ୍ୟୁଏଚ କ୍ଷମତାଯୁକ୍ତ ଲିଥିୟମ ବ୍ୟାଟେରୀ । ଯାହାକୁ ୩ କେଡବୁଲର ଇଲେକ୍ଟ୍ରିକ୍ ମୋଟର ସହ ଯୋଡିଛି କମ୍ପାନୀ । ଏହାକୁ ଥରେମାତ୍ର ଫୁଲଚାର୍ଜକଲେ ଏହା ୧୨୫କିଲୋମିଟର ଯାଏଁ ବିନା ଦ୍ୱିଧାରେ ଯାତ୍ରା କରିପାରିବ ବୋଲି ଦାବି କରିଛି କମ୍ପାନୀ ।
ଅଧିକ ପଢନ୍ତୁ
ସେହିପରି ଫୁଲଚାର୍ଜ ହେବାକୁ ବାଇକଟି ୪ଘଂଟାର ସମୟ ନେଉଥିବା ବେଳେ ଏହାର ଟପ୍ ସ୍ପିଡ୍ ରହିଛି ଘଂଟାପ୍ରତି ୮୫କିଲୋମିଟର । ଏହା ହେଉଛି ଦେଶର ପ୍ରଥମ ବାଇକ୍ ଯେଉଁଥିରେ ଖଞ୍ଜାଯାଇଛି ୭ଇଞ୍ଚ୍ ର ଇନଷ୍ଟ୍ରୁମେଂଟ୍ କ୍ଲଷ୍ଟର ସିଷ୍ଟମ୍ । ଯାହାକୁ ବାଇକର୍ସମାନେ ଆଣ୍ଡ୍ରଏଡ୍ ଡିସପ୍ଲେ ଏବଂ ଗୁଗୁଲ ମ୍ୟାପ୍ ନ୍ୟାଭିଗେସନ ପାଇଁ ବ୍ୟବହାର କରିପାରିବେ । ବିଶେଷକରି ଓଡିସି ଭେଡର ବାଇକଟି ଡେଲି ୟୁଜ୍ ପାଇଁ ଅନେକ ଲାଭଦାୟକ ସାବ୍ୟସ୍ତ ହେବ ବୋଲି ଦାବି କରିଛି କମ୍ପାନୀ । ଏହାସହ ବାଇକଟିରେ ଖଞ୍ଜାଯାଇଛି ୧୮ଲିଟରର ଷ୍ଟୋରେଜ୍ ସ୍ପେଶ୍ । ସେହିପରି ବାଇକଟିକୁ ମିଡନାଇଟ୍ ବ୍ଲୁ, ଫେରୀ ରେଡ୍, ଗ୍ଲସି ବ୍ଲାକ୍, ବେନମ୍ ଗ୍ରୀନ ଏବଂ ମିଷ୍ଟ୍ରି ଗ୍ରେ କଲରରେ ବଜାରକୁ ଛାଡିଛି କମ୍ପାନୀ । ନୂଆ ଇଲେକ୍ଟ୍ରିକ୍ ବାଇକ୍ ଓଡିସି ଭେଡରର ଓଜନ ୧୨୮କିଲୋଗ୍ରାମ୍ ଥିବା ବେଳେ ଏଥିରେ କମ୍ବି ବ୍ରେକିଂ ସିଷ୍ଟମ୍ ବି ରହିଛି ।
ଆହୁରି ପଢନ୍ତୁ
