ହଟିଲା ପକ୍ଷୀ ରହିଲା ଡୋଗେ

ଶେଷରେ ଟ୍ୱିଟରରୁ ହଟିଛି ଏହାର ପାରମ୍ପରିକ ଲୋଗୋ । ଟ୍ୱିଟରରୁ ନୀଳ ରଙ୍ଗର ପକ୍ଷୀକୁ ହଟାଇ ଏହାର ଲୋଗା ପରିବର୍ତନ କରିଛନ୍ତି ଟ୍ୱିଟରର ମାଲିକ ଏଲନ୍ ମସ୍କ୍ । ଏଲନ୍ ମସ୍କଙ୍କ ହାତରୁ ଟ୍ୱିଟର ଯିବା ପରଠାରୁ କିଛି ନା କିଛି ପରିବର୍ତନ ଦେଖିବାକୁ ମିଳୁଛି । ଏହିକ୍ରମରେ ଟ୍ୱିଟରରେ ଆଜି ଏକ ବଡ଼ ପରିର୍ବନ ହୋଇଛି । ସକାଳୁ ସକାଳୁ ଏଲନ୍ ଟ୍ୱିଟରର ଲୋଗୋ ବଦଳାଇଥିବାର ଫଟୋ ବେଶ୍ ଭାଇରାଲ ହୋଇଥିଲା । ଏହାର କେଇଘଣ୍ଟା ପରେ ନିଜେ ଟ୍ୱିଟ୍ କରି ଏହା ଏକ ମିଛ ଖବର ବୋଲି କହିଥିଲେ ଏଲନ୍ । ହେଲେ ଶେଷରେ ଟ୍ୱିଟରର ପାରମ୍ପରିକ ପକ୍ଷୀ ଲୋଗୋକୁ ହଟାଇ ଏହାବଦଳରେ ଏକ କୁକୁରର ଫଟୋ ରଖିଛନ୍ତି ଏଲନ୍ ।

ଅଧିକ ପଢନ୍ତୁ

ଆହୁରି ପଢନ୍ତୁ

ଏବେ ନୀଳ ପକ୍ଷୀ ବଦଳରେ ଡୋଗି ଟ୍ୱିଟରର ନୂଆ ଲୋଗୋ ପାଲଟିଯାଇଛି । ଏହି ଡୋଗି ଲୋଗୋଟି କ୍ରିପ୍ଟୋ କରେନ୍ସିର ଡଜ କଏନ ସହ ସମାନ ରହିଛି । ସୂଚନା ମୁତାବକ ଗତକାଲି ୟୁଜର୍ସମାନେ ଟ୍ୱିଟରରେ ଏହି ପରିବର୍ତନ ଦେଖିôଥିଲେ । ହଠାତ୍ ଟ୍ୱିଟରର ଲୋଗା ନୀଳ ପକ୍ଷୀ ଗାଏବ୍ ହୋଇଯାଇଥିଲା । ଏହାକୁ ନେଇ ୟୁଜର୍ସମାନେ ଦ୍ୱନ୍ଦ୍ୱରେ ଓ ଚିନ୍ତାରେ ପଡିଯାଇଥିଲେ । ଏହାର କିଛି ସମୟ ପରେ ନିଜେ ଏଲନ୍ ମସ୍କ୍ ଏନେଇ ଟ୍ୱିଟ୍ କରି ସ୍ପଷ୍ଟୀକରଣ ଦେଇଥିଲେ । ଟ୍ୱିଟରର ଏକ ଫଟୋ ସେୟାର କରିଥିଲେ, ଯେଉଁଥିରେ ଏ କାରର ଡ୍ରାଇଭିଂ ସିଟରେ ଗୋଟିଏ କୁକୁର ବସିଥିଲା ଏବଂ ଟ୍ରାଫିକ୍ ପୋଲିସ ହାତରେ ଲାଇସେନ୍ସ ଥିଲା । ଯେଉଁଥିରେ ନୀଳ ପକ୍ଷୀର ଫଟୋ ମଧ୍ୟ ରହିଥିଲା । ଏଲନ୍ କହିଥିଲେ ଏହା ଏକ ପୁରୁଣା ଫଟୋ । ମାତ୍ର ପୁଣିଥରେ ଆଜି ସନ୍ଧ୍ୟାରେ ସତକୁ ସତ ଟ୍ୱିଟରର ପାରମ୍ପରୀକ ନୀଳ ରଙ୍ଗର ପକ୍ଷୀ ଲୋଗାକୁ ହଟାଇ ଏହି ସ୍ଥାନରେ ଡୋଗିର ଲୋଗା ଲଗାଇଛନ୍ତି ଏଲନ୍ ମସ୍କ୍ । ଏହି ଖବର ଏବେ ସୋସିଆଲ ମିଡ଼ିଆରେ ବେଶ୍ ଭାଇରାଲ୍ ହେବାରେ ଲାଗିଛି ।