ଗାଧୋଇବାବେଳେ ବୁଡ଼ିଗଲେ ୫ ଛାତ୍ର, ୩ ମୃତ

ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଅନ୍ତର୍ଗତ ଲାଙ୍ଗୁଡ଼ି ଦେଇ ପ୍ରବାହିତ ନାଳିଆ ନଦୀରେ ବୁଡ଼ିଗଲେ ୫ ଛାତ୍ର | ଖବର ଅନୁଯାୟୀ ସମସ୍ତ ୫ ଜଣ ଛାତ୍ର ସାଙ୍ଗ ହୋଇ ନାଳିଆ ନଦୀକୁ ଗାଧୋଇବା ପାଇଁ ଯାଇଥିଲେ | କିନ୍ତୁ ବିଧିର ବିଧାନ କିଛି ଅଲଗା ଥିଲା | ଗାଧୋଇବା ବେଳେ ସମସ୍ତ 5 ଜଣ ଛାତ୍ର କୌଣସି କାରଣରୁ ବୁଡ଼ି ଯାଇଥିଲେ |

ଅଧିକ ପଢନ୍ତୁ

ଆହୁରି ପଢନ୍ତୁ

ଖବର ପାଇ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲା। ପରେ ସେଠାରେ ପ୍ରାଥମିକ ଚିକିତ୍ସା ପରେ ସମସ୍ତଙ୍କୁ ସଙ୍କଟାପନ୍ନ ଅବସ୍ତାରେ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା। କିନ୍ତୁ ସମସ୍ତ ଚିକିତ୍ସା ପରେ ଡାକ୍ତର ସେହି ୫ ଜଣଙ୍କ ମଧ୍ୟରୁ ୩ ଜଣଙ୍କୁ ମୃତ ଘୋଷଣା କରିଛନ୍ତି |
ଭଦ୍ରକ ବିଧାୟକ ଓ ବ୍ଲକ ଅଧକ୍ଷା ମେଡିକାଲରେ ପହଞ୍ଚି ମୃତ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି | ୩ ମୃତ ଛାତ୍ରମାନେ ହେଉଛନ୍ତି ପ୍ରଣୟ ଲେଙ୍କା, ସ୍ମୃତି ରଞ୍ଜନ ସ୍ୱାଇଁ ଓ ରଜତ ଜେନା| ସମସ୍ତେ ଚରମ୍ପା ମହାବିଦ୍ୟାଳୟର ଛାତ୍ର ବୋଲି ସୂଚନା ମିଳିଛି|