ଜିଲ୍ଲାପାଳଙ୍କ କାର୍ଯ୍ୟାଳୟ ଘେରିଲେ ଅବସରପ୍ରାପ୍ତ ସୈନିକ ସଙ୍ଘ ; ‘ପେନସନରେ ହୋଇଥିବା ପାତରଅନ୍ତରକୁ ସଂଶୋଧନ କରାଯାଉ’

ଆଜି ଭଦ୍ରକ ଜ଼ିଲ୍ଲା ଅବସରପ୍ରାପ୍ତ ସୈନିକ ସଙ୍ଘ ପକ୍ଷରୁ ବିଭିନ୍ନ ଦାବି ନେଇ ଜ଼ିଲ୍ଲାପାଳଙ୍କ କାର୍ଯ୍ୟଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା | ସମାନ ପଦ,ସମାନ ବେତନ ସହ ସୈନିକମାନଙ୍କର ଓଆରଓପି 2ର ପେନଶନରେ ପାତରଅନ୍ତରକୁ ସଂଶୋଧନ କରାଯିବାକୁ ଦାବି କରି ସ୍ଥାନୀୟ ବନ୍ତ ଛକ ନିକଟରୁ ଏକ ଶୋଭାଯାତ୍ରା ମାଧ୍ୟମରେ ବାହାରି ଜ଼ିଲ୍ଲାପାଳଙ୍କ କାର୍ଯ୍ୟାଳୟ ସମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା | ଏହା ସହିତ ରାଷ୍ଟ୍ରପତିଙ୍କ ଉଦେଶ୍ୟରେ ଏକ ସ୍ମାରକ ପତ୍ର ଜ଼ିଲ୍ଲାପାଳଙ୍କ ଜରିଆରେ ପ୍ରଦାନ କରାଯାଇଛି | ଆଗାମୀ ଦିନରେ ସରକାର ସେମାନଙ୍କ ଦାବିପୂରଣ ନକଲେ ଏ ଆନ୍ଦୋଳନ ପଲ୍ଲୀରୁ ଦିଲ୍ଲୀ ପର୍ଯ୍ୟନ୍ତ କରାଯିବାକୁ ଚେତାବନୀ ଦିଆଯାଇଛି |