ନୂଆ ନିୟମ: ଆଜିଠୁ କେବଳ ହଲମାର୍କ ସୁନା ବିକ୍ରି

ନୂଆ ଆର୍ôଥକ ବର୍ଷରୁ ଲାଗୁ ହୋଇଛି ଅନେକ ନିୟମ । ଏଣିକି ଅଣହଲମାର୍କ ସୁନା ଗହଣା ବିକ୍ରିରେ ଲାଗିଛି ରୋକ୍ । କେବଳ ୬ଅଙ୍କ ବିଶିଷ୍ଟ ଏଚୟୁଆଇଡି ଥିବା ସୁନାଗହଣା ବିକିପାରିବେ ଦୋକାନୀ । ସୁନାଗହଣା ବିକ୍ରିରେ ଠକାମୀ ରୋକିବାକୁ ଅଣ-ହଲମାର୍କ ସୁନାଗହଣା ବିକ୍ରିରେ ଲାଗିଛି ରୋକ୍ । ନୂଆ ନିୟମ ମୁତାବକ ଆଜିଠାରୁ କେବଳ ୬ଅଙ୍କ ବିଶିଷ୍ଟ ଏଚୟୁଆଇଡି ମାର୍କ ଥିବା ସୁନାଗହଣା ବିକ୍ରି ହେବ ।

ଏଚୟୁଆଇଡି ଜରିଆରେ କିଣୁଥିବା ସୁନା ଗହଣାର ଶୁଦ୍ଧତା ସହ ଏହାର ନିର୍ମାତା, ବ୍ରିକେତା ଓ ହଲମାର୍କ କରିଥିବା ସଂସ୍ଥା ସମ୍ପର୍କରେ ସବିଶେଷ ତଥ୍ୟ ପାଇପାରିବେ ଗ୍ରାହକ । କେବଳ ସେତକି ନୁହେଁ, ନୂଆ ଆର୍ôଥକ ବର୍ଷରୁ ବଦଳିଛି ଡିଜିଟାଲ ୱାଲେଟ୍ ନିୟମ । ଡିଜିଟାଲ ୱାଲେଟରେ ୨ହଜାର ଟଙ୍କାରୁ ଅଧିକ ମୂଲ୍ୟର ୟୁପିଆଇ କାରବାର କଲେ ଲାଗିବ ୧.୧ ପ୍ରତିଶତ ଇଣ୍ଟରନେଟ୍ ଚାର୍ଜ । ସେହିପରି ବରିଷ୍ଠ ନାଗରିକ ସଞ୍ଚୟ ସ୍କିମରେ ସର୍ବାଧିକ ଜମାରାଶି ସୀମା ୧୫ଲକ୍ଷ ଟଙ୍କାରୁ ଦ୍ୱିଗୁଣିତ ହୋଇ ୩୦ଲକ୍ଷ ଟଙ୍କା କରାଯାଇଛି ।

ଅଧିକ ପଢନ୍ତୁ

ସେହିପରି ବଜେଟରେ ଘୋଷଣା ମୁତାବକ ୭ଲକ୍ଷ ଟଙ୍କା ପର୍ଯ୍ୟନ୍ତ ଆୟକର ସୀମା ବି ଲାଗୁ ହୋଇଛି । ଚିଟଫଣ୍ଡ୍ ଫାଇଲ ବେଳେ ଟିକସଦାତା କୌଣସି ଆୟକର ବିକଳ୍ପ ଚୟନ କଲେ, ଆପେ ଆପେ ସେମାନଙ୍କ ପାଇଁ ନୂଆ ଆୟକର ବ୍ୟବସ୍ଥା ଲାଗୁ ହୋଇଯିବ । ମୌଳିକ ଆୟକର ଛାଡ ସୀମା ଅଢେଇ ଲକ୍ଷରୁ ୩ଲକ୍ଷ ଟଙ୍କାକୁ ବୃଦ୍ଧି କରାଯାଇଛି । ୨୦୨୩-୨୪ବଜେଟରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଘୋଷଣା କରିଥିବା ଏହି ପ୍ରସ୍ତାବ ଆଜିଠାରୁ ଲାଗୁ ହୋଇଛି । ଯଦି କେହି ଟିକସ ବିକଳ୍ପ ଚୟନ ନକରନ୍ତି, ତେବେ ସେ ନୂଆ ଟିକସ ଢାଞ୍ଚା ବାଛିଛନ୍ତି ବୋଲି ବିବେଚନା କରାଯିବ । କେବଳ ଟିକସ ବ୍ୟବସ୍ଥା ନୁହେଁ, ଆର୍ôଥକ ବର୍ଷରୁ ଆହୁରି ଅନେକ ନିୟମରେ ପରିବର୍ତନ କରାଯାଇଛି ।