ଶିବସେନା ସାଂସଦ ସଞ୍ଜୟ ରାଉତଙ୍କୁ ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇର ଧମକ: ଏକେ ୪୭ରେ ଉଡାଇଦେବି

ଶିବସେନା ତଥା ଉଦ୍ଧବ ଠାକରେଙ୍କ ସାଂସଦ ସଞ୍ଜୟ ରାୱତଙ୍କୁ ମିଳିଛି ଧମକ । ସଞ୍ଜୟଙ୍କୁ ଧମକ ଦେଇଛନ୍ତି ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ । ଲରେନ୍ସ କହିଛନ୍ତି ଯଦି ସେ ସଞ୍ଜୟଙ୍କୁ ଦିଲ୍ଲୀରେ ଦେଖନ୍ତି ତେବେ ସେ ତାଙ୍କୁ ଏକେ ୪୭ରେ ଉଙ୍ଗାଇ ଦେବେ । ସଞ୍ଜୟଙ୍କ ନିକଟକୁ ମ୍ୟାସେଜ କରି ଏପରି ଧମକ ଦିଆହୋଇଛି । ଲରେନ୍ସ ଆହୁରି ମଧ୍ୟ ମ୍ୟାସେଜରେ ଲେଖିଛନ୍ତି ସଞ୍ଜୟ ଜଣେ ହିନ୍ଦୁ ବିରୋଧୀ ବ୍ୟକ୍ତି ଅଟନ୍ତି । ତେଣୁ ତାଙ୍କର ସିଙ୍ଗର ସିଦ୍ଧୁ ମୁସେୱାଲାଙ୍କ ପରି ଅବସ୍ଥା ହେବ ।

ଅଧିକ ପଢନ୍ତୁ

ଧମକ ପାଇବା ପରେ ସଞ୍ଜୟ ମହାରାଷ୍ଟ୍ର ପୋଲିସ ନିକଟରେ ଏନେଇ ଅଭିଯୋଗ କରିଛନ୍ତି । ସଞ୍ଜୟଙ୍କ ଠାରୁ ଅଭିଯୋଗ ପାଇବା ପରେ, ମହାରାଷ୍ଟ୍ର ପୋଲିସ ଏ ମାମଲାରେ ଯାଞ୍ଚ ଆରମ୍ଭ କରିଛନ୍ତି । ବର୍ତ୍ଥମାନ ସୁଦ୍ଧା ଜଣେ ଅଭିଯୁକ୍ତଙ୍କୁ ଗିରଫ ମଧ୍ୟ କରାଯାଇଛି ।
ସଞ୍ଜୟ ରାୱତ ଏହି ମାମଲାରେ ପ୍ରତିକ୍ରିୟା ଦେଇ କହିଛନ୍ତି ଏକନାଥ ସିନ୍ଧେ କ୍ଷମତାକୁ ଆସିବା ପରେ ଅନେକ ନେତାଙ୍କ ଠାରୁ ସିକ୍ୟୁରିଟି କମାଇ ଦିଆଯାଇଛି । ତେଣୁ ତାଙ୍କ ନିକଟକୁ ଏପରି ଧମକ ପୂର୍ଣ୍ଣ ମ୍ୟାସେଜ ଆସିଛି ।