ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସାର୍ଟିଫିକେଟ୍ ମାଗିବାରୁ ଲାଗିଲା ଫାଇନ୍ । ମୋଦୀଙ୍କୁ ଡିଗ୍ରୀ ପ୍ରମାଣପତ୍ର ମାଗି ଏବେ ହରଡ଼ଘଣାରେ ପଡିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୀୱାଲ । ଗୁଜୁରାଟ ହାଇକୋର୍ଟଙ୍କ ପକ୍ଷରୁ କେଜ୍ରୀୱାଲଙ୍କୁ ୨୫ହଜାର ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦିଆଯାଇଛି । ସୂଚନା ମୁତାବକ ଗୁଜୁରାଟ ହାଇକୋର୍ଟରେ କେଜ୍ରୀୱାଲ ଏକ ଜନସ୍ୱାର୍ଥ ମାମଲା ଦାଏର କରିଥିଲେ ।
ଅଧିକ ପଢନ୍ତୁ
ମୋଦୀ କେତେ ପାଠ ପଢିଛନ୍ତି ସେ ସମ୍ପର୍କରେ ସେ ଜାଣିବାକୁ ଚାହୁଁଛନ୍ତି ବୋଲି ଏଥିରେ ଉଲ୍ଲେଖ ଥିଲା । ହେଲେ ହାଇକୋର୍ଟ ଏହି ମାମଲାର ଶୁଣାଣୀ କରିବାକୁ ମନା କରିଦେବା ସହ କେଜ୍ରୀୱାଲଙ୍କୁ ଓଲଟା ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି । ଏହାସହ କୋର୍ଟ କହିଛନ୍ତି, ପ୍ରଧାନମନ୍ତ୍ରୀଙ୍କୁ ତାଙ୍କ ଡିଗ୍ରୀ ସାର୍ବଜନୀନ କରିବାର କୌଣସି ଆବଶ୍ୟକତା ନାହିଁ । ଗୁଜୁରାଟ ହାଇକୋର୍ଟର ଜଷ୍ଟିସ ବିରେନ୍ ବୈଷ୍ଣବ ଏହି ରାୟ ପ୍ରଦାନ କରି ଏହା ଉପରେ ରହିତାଦେଶ ଜାରି କରିବାକୁ ସ୍ପଷ୍ଟ ମନା କରିଦେଇଛନ୍ତି ।
ଆହୁରି ପଢନ୍ତୁ
