ଦିଲ୍ଲୀ ଶାସ୍ତ୍ରୀ ପାର୍କ ନିକଟରୁ ଏକ ଦୁଖଃଦ ଘଟଣା ସାମ୍ନାକୁ ଆସିଛି । ମଶାଧୂପରେ ଶ୍ୱାସରୁଦ୍ଧ ହୋଇ ଗୋଟିଏ ପରିବାରର ୬ ଜଣଙ୍କର ମୃତ୍ୟୁ ହୋଇଥିବା ବେଳେ, ୨ ଜଣ ଆହତ ହୋଇଛନ୍ତି । ଏହି ଖବର ପ୍ରଚାର ହେବାପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
ଅଧିକ ପଢନ୍ତୁ
ସୂଚନାନୁସାରେ ଦିଲ୍ଲୀ ଶାସ୍ତ୍ରୀ ପାର୍କ ମଜାର ୱାଲା ରୋଡ୍ ନିକଟରେ ଗୁରୁବାର ରାତିରେ ଗୋଟିଏ ପରିବାର ମଶାଧୂପ ଲଗାଇ ଶୋଇପଡିଥିଲେ । ରାତିରେ କବାଟ ଓ ଝରକା ବନ୍ଦ ରହିଥିବା କାରଣରୁ ମଶାଧୂପରୁ ବାହାରୁ ଥିବା କାର୍ବନ ମନୋକ୍ସାଇଡ୍ ଦ୍ୱାରା ଘର ଗ୍ୟାସ ହୋଇଥିବା ବେଳେ, ମଶାଧୂପ ପଡି ଘରେ ଥିବା ମ୍ୟାଟ୍ରେ ନିଆଁ ଲାଗି ଯାଇଥିଲା । ଉଭୟ ଗ୍ୟାସ ଦ୍ୱାରା ପରିବାରର ସମସ୍ତ ସଦସ୍ୟଙ୍କୁ ନିଶ୍ୱାସ ନେବାରେ କଷ୍ଟ ହୋଇଥିଲା । ଏବଂ ଶ୍ୱାସରୁଦ୍ଧ ହେବା କାରଣରୁ ଘଟଣାସ୍ଥଳରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ, ୨ ଜଣ ଗୁରୁତର ଆହତ ହୋଇଥିଲେ ।
ଆହୁରି ପଢନ୍ତୁ
