ସମ୍ବଲପୁରରେ ଓଲଟିଲା ବରଯାତ୍ରୀ ଗାଡି: ୭ ଜଣଙ୍କ ମୃତ୍ୟୁ, ୨ ଆହତ

ସମ୍ବଲପୁର ଜିଲ୍ଲା ଶାସନ କେନାଲ ନିକଟରେ ଗତକାଲି ବିଳମ୍ବିତ ରାତିରେ ଘଟିଛି ଅଭାବନୀୟ ଘଟଣା । ବିଭାହ ଭୋଜି ଖାଇ ସାରି ଫେରୁଥିବା ବେଳେ ବରଯାତ୍ରୀ ଗାଡିଟି ଭାରସାମ୍ୟ ହରାଇ କେନାଲକୁ ଖସିପଡିଥିଲା । ଏହି ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି ।

ସୂଚନାନୁସାରେ ଝାରସୁଗୁଡାର ଜଣେ ଯୁବକ ସମ୍ବଲପୁର ପରମାଣୁପୁରରେ ବିବାହ କରିବାକୁ ଯାଇଥିଲେ । ଗୋଟିଏ ଗାଡିରେ ପ୍ରାୟ ୧୧ ଜଣ ଯୁବକ ବିବାହରେ ସାମିଲ ହୋଇ ରାତି ପ୍ରାୟ ୨ଟା ବେଳେ ଝାରସୁଗୁଡା ଫେରୁଥିବା ସମୟରେ ଗାଡିଟି ଶାସନ କେନାଲ ନିକଟରେ ଭାରସାମ୍ୟ ହରାଇ କେନାଲକୁ ଖସି ପଡିଥିଲା ।

ଘଟଣାସ୍ଥଳରେ ରେଙ୍ଗାଲୀ ଅଗ୍ନିଶମ ବାହିନୀ ପହଞ୍ଚି ୭ ଜଣ ଯୁବକଙ୍କ ମୃତଦେହ ଉଦ୍ଧାର କରିଛନ୍ତି । ଏବଂ ଅନ୍ୟ ୨ ଜଣ ଗୁରୁତରଙ୍କୁ ସ୍ଥାନୀୟ ମେଡିକାଲକୁ ସ୍ଥାନାନ୍ତରଣ କରିଛନ୍ତି । ସମସ୍ତ ମୃତାହତ ଝାରସୁଗୁଡା ଲଖନପୁର ବ୍ଲକ ବଡଧାରା ଗାଁର ବୋଲି ଜଣାପଡିଛି ।