ବାରମ୍ବାର ଅନୁରୋଧ ଚେତାବନୀ ଓ ନିର୍ଦ୍ଦେଶନାମା ଜାରି ପରେ ବି ସୁଧୁରୁ ନାହାନ୍ତି ନାବାଳକ ଗାଡିଚାଳକ । ଯଦି ବିନା ଡ୍ରାଇଭିଂ ଲାଇସେନ୍ସରେ କୌଣସି ସ୍କୁଲ ଛାତ୍ର ଗାଡି ଚଳାଉଛନ୍ତି ତେବେ ସେମାନଙ୍କ ବାପାଙ୍କ ଲାଇସେନ୍ସ ବାତିଲ ହେବା ସହ ଜରିମାନା ଆଦାୟ କରାଯିବ । ଉଭୟ ରାଜ୍ୟ ସରକାର ଓ ପୋଲିସ ପକ୍ଷରୁ ଏନେଇ କଡ଼ା ନିର୍ଦ୍ଦେଶନାମା ଜାରି କରାଯାଇଥିଲା । ହେଲେ ତଥାପି ଚେତୁନାହାନ୍ତି ଅମାନିଆ ନାବାଳକ ଗାଡିଚାଳକ ।
ଅଧିକ ପଢନ୍ତୁ
ଚେକିଂର ପ୍ରଥମ ଦିନରେ କେବଳ କଟକରେ ଗୋଟିଏ ଦିନରେ ନାବାଳକଙ୍କଠାରୁ ୨୨ଲକ୍ଷ ଟଙ୍କା ଫାଇନ୍ ଆଦାୟ କରାଯିବା ସହ ୮୮ଟି ଗାଡ଼ି ସିଜ୍ କରାଯାଇଛି । ଏହାଛଡ଼ା ୯ଶହରୁ ଅଧିକ ଗାଡିକୁ ବିଭିନ୍ନ ନିୟମ ଉଲ୍ଲଂଘନ ଅଭିଯୋଗରେ ଫାଇନ୍ ବି କରାଯାଇଛି । ଏନେଇ ପରିବହନ ବିଭାଗର ଏନଫୋର୍ସମେଂଟ୍ ଅତିରିକ୍ତ କମିଶନର ସୂଚନା ଦେଇଛନ୍ତି । ପ୍ରତି ଗାଡି ପିଛା ୨୫ହଜାର ଟଙ୍କା ଲେଖାଏଁ ଫାଇନ୍ ଆଦାୟ କରାଯାଇଥିବା ବେଳେ କିଛି ଅଭିଭାବକ ଫାଇନ୍ ଦେଇ ଗାଡି ନେଇଯାଉଛନ୍ତି । ସେହିପରି ଯେଉଁମାନେ ଫାଇନ୍ ଦେଇନାହାନ୍ତି ବା ଦେବାକୁ ରାଜି ହେଉନାହାନ୍ତି ସେମାନଙ୍କ ଗାଡିକୁ କୋର୍ଟ ଚାଲାଣ କରାଯାଉଥିବା ଏନଫୋର୍ସମେଂଟ୍ ଅତିରିକ୍ତ କମିଶନର କହିଛନ୍ତି ।
ଆହୁରି ପଢନ୍ତୁ
