ଆଜି ମହାପ୍ରଭୁ ଲିଙ୍ଗରାଜଙ୍କ ରୁକୁଣା ରଥଯାତ୍ରା: ନୀତିକାନ୍ତି ସରିବା ପରେ ଦିନ ପ୍ରାୟ ୩.୩୦ ସୁଦ୍ଧା ଟଣାହେବ ରଥ

ଆଜି ମହାପ୍ରଭୁ ଶ୍ରୀ ଲିଙ୍ଗରାଜଙ୍କ ରଥଯାତ୍ରା । ଏଥିପାଇଁ ଚଳଚଞ୍ଚଳ ଲିଙ୍ଗରାଜ ମନ୍ଦିର । ପ୍ରାତଃରୁ ମହାପ୍ରଭୁଙ୍କ ସମସ୍ତ ନୀତିକାନ୍ତି ସେବାୟତମାନେ ଆରମ୍ଭ କରିଛନ୍ତି । ସମସ୍ତ ନୀତି ସରିବା ପରେ ଅପରାହ୍ନ ପ୍ରାୟ ସାଢେ ୩ ଟା ସୁଦ୍ଧା ରଥଟଣା ହେବା ନେଇ ନୀତି ଧାର୍ଯ୍ୟ କରାଯାଇଛି । ବର୍ତ୍ତମାନ ସୁଦ୍ଧା ବ୍ୟବସ୍ତିତ ଢଙ୍ଗରେ ସମସ୍ତ ନୀତିକାନ୍ତି ସମୟ ଅନୁସାରେ ଜାରି ରହିଛି । ଲିଙ୍ଗରାଜଙ୍କ ରଥଯାତ୍ରା ଦେଖିବା ନିମନ୍ତେ ଆଜି ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ମନ୍ଦିରରେ ଉପସ୍ଥିତ ରହିଛନ୍ତି ।

ଅଧିକ ପଢନ୍ତୁ

ଆହୁରି ପଢନ୍ତୁ

ଗତକାଲି ରାତି ୯ଟା ସୁଦ୍ଧା ରଥ ନିର୍ମାଣ କାର୍ଯ୍ୟ ଶେଷ କରିବା ସହିତ ମହାରଣା ଓ ରୂପକାର ସେବାୟତମାନେ ରଥକୁ ପ୍ରଶାସନକୁ ହସ୍ତାନ୍ତର କରାଯାଇଥିଲେ । ଲିଙ୍ଗରାଜଙ୍କ ସନ୍ଧ୍ୟା ଧୂପ ପରେ ମହାପ୍ରଭୁଙ୍କ ରଥଯାତ୍ରା ସମ୍ପର୍କୀତ ନୀତିକାନ୍ତି ଆରମ୍ଭ ହୋଇଥିଲା । ମରିଚିକୁଣ୍ଡରୁ ପାଣି ଅଣାଯାଇ ରଥ ପ୍ରତିଷ୍ଠା କରାଯାଇଥିଲା । ପରେ ପୁରୀରୁ ଆସିଥିବା ରାଜଗୁରୁ, କୁଳ ପୁରୋହିତ ବୃନ୍ଦାବନ ଦାଶ ଓ କ୍ଷେତ୍ରବାସୀ ନିଯୋଗର ସେବାୟତମାନେ ରଥ ପ୍ରତିଷ୍ଠା କରିଥିଲେ ।