ଆରିଫ-ସାରସ ବନ୍ଧୁତ୍ୱରେ ଶତ୍ରୁ ସାଜିଛି ବନ ବିଭାଗ

କିଛିଦିନ ପୂର୍ବରୁ ସୋସିଆଲ ମିଡିଆରେ ସାରସ ପକ୍ଷୀ ଓ ଆରିଫଙ୍କର ଭିଡିଓ ବେଶ ଭାଇରାଲ ହୋଇଥିଲା । ଉଭୟଙ୍କ ବନ୍ଧୁତ୍ୱ ସମ୍ପର୍କରେ ସବୁଆଡେ ଚର୍ଚ୍ଚା ମଧ୍ୟ ହେଉଥିଲା । କିନ୍ତୁ ଉଭୟଙ୍କ ବନ୍ଧୁତ୍ୱ ମଧ୍ୟରେ ଫାଟ ସୃଷ୍ଟି କରିଛି ଉତ୍ତର ପ୍ରଦେଶ ବନ ବିଭାଗ । ବିଭାଗ ସାରସ ପକ୍ଷୀକୁ ନେଇଯିବା ସହ ଆରିଫ ନାମରେ ନୋଟିସ ଜାରି କରିଛି ।
ଏହି ନୋଟିସରେ ଆରିଫ ବନ୍ୟ ଜୀବ ସଂରକ୍ଷଣର ଧାରା ୨,୯,୨୯,୫୧ ଉଲ୍ଲଙ୍ଘନ କରିଥିବା ଦର୍ଶାହୋଇଛି । ଏହାଛଡା ତାଙ୍କୁ ଏପ୍ରିଲ ମାସ ୨ ତାରିଖରେ ବନ ବିଭାଗ କାର୍ଯ୍ୟାଳୟରେ ହାଜର ହେବା ସହିତ, ବୟାନ ରେକର୍ଡ କରାଇବା ପାଇଁ ଦର୍ଶାହୋଇଛି ।

ଅଧିକ ପଢନ୍ତୁ

ସେହିପରି କିଛିଦିନ ପୂର୍ବରୁ ହିଁ ଆରିଫ୍‌ଙ୍କ ଘରେ ପହଞ୍ଚି ବନ ବିଭାଗ କର୍ମୀମାନେ ସାରସ ପକ୍ଷୀକୁ ସାଙ୍ଗରେ ନେଇ ଜଙ୍ଗଲରେ ଛାଡି ଦେଇଥିଲେ । କିନ୍ତୁ କିଛିଦିନ ପରେ ସାରସ ପକ୍ଷୀ ପୁଣି ଆରିଫ୍‌ଙ୍କ ଘରକୁ ଫେରି ଆସିଥିଲା । ଏଖବର ବନ ବିଭାଗ ନିକଟରେ ପହଞ୍ଚିବା ପରେ ସେମାନେ ଆସି ପୁଣି ସାରସ ପକ୍ଷୀଙ୍କୁ ନେଇ ବର୍ତ୍ତମାନ ବିହାରର ସମସପୁର ପକ୍ଷୀ ବିବାହରେ ରଖିଛନ୍ତି ।

ଆହୁରି ପଢନ୍ତୁ

ସୂଚନାନୁସାରେ ୨୦୨୨ ମସିହା ଅଗଷ୍ଟ ମାସରେ ନିଜ ଜମିରେ କାମ କରୁଥିବା ସମୟରେ ସାରସ ପକ୍ଷୀଟିକୁ କ୍ଷତାକ୍ତ ଅବସ୍ଥାରେ ପାଇଥିଲେ ଆରିଫ । ପକ୍ଷୀଟିର ଗୋଡରେ ଗଭୀର ଆଘାତ ଲାଗିଥିଲା । ଆରିଫ ପକ୍ଷୀକୁ ଘରକୁ ନେବା ସହିତ ତାର ଯତ୍ନ ନେଇଥିଲେ । ଏବଂ ପ୍ରାୟ ଗୋଟିଏ ମାସ ପରେ ସେ ଭଲ ହୋଇଥିଲା । କିନ୍ତୁ ଭଲ ହେବା ପରେ ସାରସ ପକ୍ଷୀ ଆଉ ଆରିଫ୍‌ଙ୍କ ଘର ଛାଡି ଯାଇନଥିଲା । ଗତ ଫେବୃଆରୀ ମାସରେ ସାରସ ଓ ଆରିଫଙ୍କ ଭିଡିଓ ବିଭିନ୍ନ ସୋସିଆଲ ମିଡିଆରେ ଭାଇରାଲ ହେବା ଆରମ୍ଭ ହୋଇଥିଲା ।