ତିବ୍ଦତୀୟ ଶରଣାର୍ଥୀଙ୍କୁ ମିଳିଲା ଭତା ଓ ରାସନକାର୍ଡ

ଭାରତରେ ରହୁଥିବା ତିବ୍ଦତୀୟ ଶରଣାର୍ଥୀଙ୍କୁ ଭତା ଓ ରାସନକାର୍ଡ ଯୋଗାଇ ଦେଇଛନ୍ତି ରାଜ୍ୟ ସରକାର । ଏହାଦ୍ୱାରା ୩ଶହ ଗରିବ, ବୃଦ୍ଧ ଓ ବୃଦ୍ଧାମାନେ ଉପକୃତ ହୋଇଛନ୍ତି । ସୂଚନା ମୁତାବକ ଏମାନେ ୬୦ରୁ ଅଧିକ ବର୍ଷ ଧରି ଶରଣାର୍ଥୀ ଭାବେ ରହିଆସୁଥିବା ବେଳେ ଏହି ହିତାଧିକାରୀଙ୍କୁ ମିଳିଛି ଏଭଳି ସୁଯୋଗ । ଫଳରେ ଗଜପତି ଜିଲ୍ଲା ଚନ୍ଦ୍ରଗିରି ଓ ଏବଂ ମହେନ୍ଦ୍ରଗଡ଼ ଅଂଚଳରେ ଥିବା ୪ହଜାରରୁ ଅଧିକ ଶରଣାର୍ଥୀଙ୍କ ମଧ୍ୟରୁ ୩ଶହ ଉପଭୋକ୍ତା ଏହାଦ୍ୱାରା ଉପକୃତ ହୋଇଛନ୍ତି ।

ଅଧିକ ପଢନ୍ତୁ

ଆହୁରି ପଢନ୍ତୁ

ଏଣୁ ସେମାନେ ରାଜ୍ୟ ସରକାରଙ୍କ ଏଭଳି ପଦକ୍ଷେପକୁ ଧନ୍ୟବାଦ ଦେବା ସହ ସରକାରଙ୍କ ସହଯୋଗ ପାଇଁ ସେମାନେ ଶରଣାର୍ଥୀ ନୁହେଁ, ମୂଳ ବାସିନ୍ଦା ଭଳି ଅନୁଭବ କରୁଥିବା କହିଛନ୍ତି । ଚୀନ୍ ତିବ୍ଦତ ଉପରେ ଆକ୍ରମଣ କରିବା ପରେ ତିବ୍ଦତୀୟମାନେ ଭାରତର ସହାୟତା ଲୋଡିଥିଲେ ।

ଏହି ସମୟରେ ଭାରତ ସେମାନଙ୍କୁ ଆପଣାଇବା ସହ ଦେଶର ବିଭିନ୍ନ ସ୍ଥାନରେ ଥଇଥାନ କରାଯାଇଥିଲା । ସେଥିମଧ୍ୟରୁ ଗଜପତି ଜିଲ୍ଲାର ଚନ୍ଦ୍ରଗିରି ଓ ମହେନ୍ଦ୍ରଗଡ଼ ଅଂଚଳରେ ସେମାନଙ୍କ ପାଇଁ ୫ଟି କ୍ୟାମ୍ପ ନିର୍ମାଣ କରାଯାଇଛି । ଗତ ଡିସେମ୍ବରରୁ ଏହି ଯୋଜନାରେ ସେମାନଙ୍କୁ ସାମିଲ କରାଯାଇଥିବା ଶରଣାର୍ଥୀମାନେ କହିଛନ୍ତି ।