ବ୍ୟାଙ୍କ ଲୋନ୍ ମାମଲାରେ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି ସୁପ୍ରିମକୋର୍ଟ । ଋଣଧାରୀଙ୍କ ପକ୍ଷ ସମ୍ପୂର୍ଣ୍ଣ ଭାବେ ନଶୁଣିବା ପର୍ଯ୍ୟନ୍ତ ସେମାନଙ୍କ ଆକାଉଂଟକୁ ଠକେଇ ଘୋଷଣା କରିପାରିବେନି ବୋଲି କହିଛନ୍ତି ସୁପ୍ରିମକୋର୍ଟ । ଶୁଣାଣୀର ସୁଯୋଗ ନଦେଇ ଋଣଧାରୀଙ୍କ ଆକାଂଉଟକୁ ଠକେଇ ବୋଲି ଘୋଷଣା କଲେ ତାହା ସେମାନଙ୍କ ସିବିଲ୍ ସ୍କୋର ପ୍ରଭାବିତ ହୋଇଥାଏ । ଏହାଦ୍ୱାରା ଋଣଧାରୀ ଅନେକ ସମସୟରେ ବିଭିନ୍ନ ସମସ୍ୟାର ସମ୍ମୁଖୀନ ହୁଅନ୍ତି ।
ଏହା ଋଣଧାରୀଙ୍କୁ ବ୍ଲାକ୍ ଲିଷ୍ଟରେ ରଖିବା ସଦୃଶ । ତେଣୁ ଠକେଇ ସମ୍ପର୍କିତ ମୁଖ୍ୟ ନିର୍ଦ୍ଦେଶନାମା ଅନୁଯାୟୀ ଋଣଧାରୀଙ୍କ ଶୁଣାଣିର ସୁଯୋଗ ଦିଆଯିବା ଉଚିତ୍ ବୋଲି କହିଛନ୍ତି ସର୍ବୋଚ୍ଚ ନ୍ୟାୟାଳୟ । ଏହାସହ ଅଦାଲତ କହିଛନ୍ତି, ବ୍ୟାଙ୍କ ଆକାଉଂଟ୍ର ଜାଲିଆତି ଆକାଉଂଟ୍ ବର୍ଗୀକରଣ ଉପରେ ଭାରତୀୟ ରିଜର୍ଭ ବ୍ୟାଙ୍କ ଏକ ସର୍କୁଲାର ଜାରି କରିଛନ୍ତି । ସର୍କୁଲାରରେ ଥିବା ଅଡି ଅଲଟ୍ରମ୍ ପାର୍ଟେମର ସିଦ୍ଧାନ୍ତ ପାଳନ କରିବା ଜରୁରୀ ।
ଅଧିକ ପଢନ୍ତୁ
ଆହୁରି ପଢନ୍ତୁ
ପ୍ରଧାନ ବିଚାରପତି ଡି.ୱାଇ. ଚନ୍ଦ୍ରଚୂଡ ଓ ଜଷ୍ଟିସ୍ ହିମା କୋହଲିଙ୍କୁ ନେଇ ଗଠିତ ଖଣ୍ଡପୀଠ ଗତ ୨୦୨୦ ଡିସେମ୍ବରରେ ତେଲେଙ୍ଗାନା ହାଇକୋର୍ଟ ଦେଇଥିବା ରାୟକୁ ବଜାୟ ରଖିଛନ୍ତି । ହେଲେ ଖଣ୍ଡପୀଠ ଗୁଜୁରାଟ ହାଇକୋର୍ଟଙ୍କ ରାୟକୁ ଖାରଜ କରିଦେଇଛନ୍ତି, କାରଣ ଗୁଜୁରାଟ କୋର୍ଟଙ୍କ ରାୟ ଠିକ୍ ଏହାର ବିପରିତ ଥିଲା । ତେଲେଙ୍ଗାନା ହାଇକୋର୍ଟ କହିଥିଲେ, କୌଣସି ବ୍ୟକ୍ତିଙ୍କୁ ଠକ ଋଣଦାତା ବା ଜାଲ ଆକାଉଂଟଧାରୀ ଘୋଷଣା କରିବା ପୂର୍ବରୁ ଅଡି ଅଲଟ୍ରମ୍ ପୋର୍ଟେମ୍ ସିଦ୍ଧାନ୍ତର ପାଳନ କରିବା ଉଚିତ୍ । ସୂଚନା ମୁତାବକ ଆଇନ କ୍ଷେତ୍ରରେ ବହୁଳ ବ୍ୟବହାର ହେଉଥିବା ‘ଅଡି ଅଲଟ୍ରମ୍ ପୋର୍ଟେମ୍’ ହେଉଛି ଏକ ଲାଟିନ୍ ଶବ୍ଦ ଓ ଏହାର ଅର୍ଥ ହେଉଛି ଅପରପକ୍ଷକୁ ଶୁଣାଣିର ସମ୍ପୂର୍ଣ୍ଣ ସୁଯୋଗ ଦେବା ।
