ସାଧାରଣ ନିର୍ବାଚନ ପୂର୍ବରୁ ବଡ ତୟାରୀ ଆରମ୍ଭ କରିଛି ଶାସକ ବିଜେଡି । ପଶ୍ଚିମ ଓଡିଶାରେ ନିଜର ଦମ ଦେଖାଇବା ପାଇଁ ନୂଆ ରଣନୀତି ଆପଣାଉଛି ବିଜେଡି । ସରକାରଙ୍କ ବିକାଶ ମୂଳକ କାର୍ଯ୍ୟ କୁ ଅସ୍ତ୍ର କରି ଆଗାମୀ ନିର୍ବାଚନ ରେ ଶାଶକ ବିଜେଡି କରିଛି ମାଷ୍ଟର ପ୍ଲାନ ।
ସେଥିପାଇଁ ଏବେ ନବୀନଙ୍କ ମୁଖ୍ୟ ଫୋକସ୍ ସାଜିଛି ପଶ୍ଚିମ ଓଡ଼ିଶା । ପଶ୍ଚିମ ଓଡ଼ିଶାରେ ନବଦାସ, ମମିତା ମେହେର ଓ ଚାଷୀ ସମସ୍ୟା ପ୍ରସଙ୍ଗକୁ ନେଇ ବ୍ୟାକଫୁଟରେ ଥିବା କୁହାଯାଉଛି ।ସେଥିପାଇଁ ବିଜେଡ଼ି ଆରମ୍ଭ କରିଛି ସ୍ୱତନ୍ତ୍ର ରଣନୀତି । ଖାସ୍ ଏଥିପାଇଁ ପଶ୍ଚିମ ଓଡ଼ିଶାକୁ ଘନ ଘନ ଗସ୍ତ କରୁଛନ୍ତି ବିଜେଡ଼ି ସୁପ୍ରିମୋ ।ସରକାରଙ୍କ ବିକାଶ ଅସ୍ତ୍ର ରେ ବିରୋଧୀ ଙ୍କୁ ଘାଇଲା କରିବା କୁ ପୂରା ତୟାର ନବୀନ ବାହୀନ ।
ସୂଚନା ଅନୁସାରେ ଗତ ଫେବୃଆରୀ ୧୯ରେ ପଦ୍ମପୁରରୁ ଆରମ୍ଭ ହୋଇଥିଲା ମିଶନ ପଶ୍ଚିମ ଓଡ଼ିଶା । ପଦ୍ମପୁରକୁ ସ୍ୱତନ୍ତ୍ର ଜିଲ୍ଲା ମାନ୍ୟତା ଘୋଷଣା ସହ ବିଭିନ୍ନ ପ୍ରକଳ୍ପ ଘୋଷଣା କରିଛନ୍ତି ନବୀନ । ଏବେ ପୁଣିଥରେ କଳାହାଣ୍ଡି ଓ ନୂଆପଡ଼ା ଗସ୍ତରେ ମୁଖ୍ୟମନ୍ତ୍ରୀ । ନୂଆପଡ଼ାରେ ୫୪୬କିଲୋମିଟର ଫୋର ଲେନ ବିଜୁ ଏକ୍ସପ୍ରେସ୍ ୱେକୁ ଲୋକାର୍ପଣ ସହ କଳାହାଣ୍ଡିରେ ଏକାଧିକ ସରକାରୀ କାର୍ଯ୍ୟକ୍ରମରେ ଯୋଗଦେବେ ନବୀନ । ବସରେ ନବୀନ ବିଜୁ ଏକ୍ସପ୍ରେସ ୱେରେ ଯିବା ବେଳେ ପ୍ରାୟ ୧ଲକ୍ଷ ତାଙ୍କୁ ସ୍ୱାଗତ କରିବାର ଯୋଜନା ରହିଛି ।
ସୂଚନା ଅନୁସାରେ ଗତ ନିର୍ବାଚନରେ ପଶ୍ଚିମ ଓଡ଼ିଶାର ଲୋକସଭା ଆସନ ସୁନ୍ଦରଗଡ଼, ବରଗଡ଼, ସମ୍ବଲପୁର, କଳାହାଣ୍ଡି ଏବଂ ବଲାଙ୍ଗୀର ଏବେ ବିଜେପି ଦଖଲରେ ରହିଛି । ଯାହାକୁ ୨୦୨୪ରେ ଫୋକସରେ ରଖିଛି ଶାଶକ ବିଜେଡ଼ି । ଖାସ୍ ଏଥିପାଇଁ ନୂଆପଡ଼ା, କଳାହାଣ୍ଡିକୁ ମିଶାଇ ୫ ପଶ୍ଚିମ ଜିଲ୍ଲାରେ ବିଭିନ୍ନ ଉନ୍ନୟନମୂଳକ କାର୍ଯ୍ୟର ଉଦଘାଟନ କରିବା ସହ ନୂଆ ନୂଆ ଘୋଷଣା କରୁଛନ୍ତି ନବୀନ ।
ରାଉରକେଲାରେ ହକି ଷ୍ଟାଡିୟମ, ବରଗଡ଼ ପଦ୍ମପୁରରେ ବି ସରକାରଙ୍କ ବିକାଶ ମୂଳକ କାର୍ଯ୍ୟକ୍ରମ କରିଛନ୍ତି ବିଜେଡ଼ି ସୁପ୍ରିମୋ । ସୂଚନା ମୁତାବକ ପ୍ରାୟ ୩ ମାସ ଭିତରେ ବରଗଡ଼ ଜିଲ୍ଲାକୁ ଏହା ହେଉଛି ନବୀନଙ୍କ ତୃତୀୟ ଗସ୍ତ । ନବୀନ ସୋହେଲା ବ୍ଲକ୍ ହଳଦୀପାଲି ପଡ଼ିଆରେ ସାଧାରଣ ଜନତାଙ୍କୁ ଉଦବୋଧନ ଦେବୋ ସହ ହଳଦୀପାଲିଠାରୁ ବୀରମାଟି ଘେଁସ ଯାଏଁ କରିବେ ରୋଡ ସୋ । ଶେଷରେ ମୁଖ୍ୟମନ୍ତ୍ରୀ କଳାହାଣ୍ଡି ଜିଲ୍ଲା ଗସ୍ତ କରି ଅନେକ ଉନ୍ନୟନମୂଳକ କାର୍ଯ୍ୟର ଲୋକାର୍ପଣ ଓ ଶିଳାନ୍ୟାସ କରିବେ । ଏଣୁ ଏବେ ଶାସକ ବିଜେଡ଼ିର ମୁଖ୍ୟ ଫୋକସରେ ରହିଛି ପଶ୍ଚିମ ଓଡ଼ିଶ । ଚଳିତବର୍ଷ ୩ମାସ ଭିତରେ ଏହା ହେବ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପଂଚମ ପଶ୍ଚିମ ଓଡ଼ିଶା ଗସ୍ତ ।
