ଘରେ ଆକ୍ୱାରିୟମ ରଖିବା ଅନେକଙ୍କର ସଉକ । ଆକ୍ୱାରିୟମ୍ ରଖିଲେ କେବଳ ଯେ ଘରର ସୌନ୍ଦର୍ଯ୍ୟ ବୃଦ୍ଧି ପାଇଥାଏ ତାହାନୁହେଁ । ଆକ୍ୱାରିୟମ୍ ଘରେ ରହିଲେ ଏହାଦ୍ୱାରା ଐଶ୍ୱର୍ଯ୍ୟ ବୃଦ୍ଧି ହେବା ସହ ଘରେ ଶାନ୍ତି ଶୃଙ୍ଖଳା ମଧ୍ୟ ବଜାୟ ରୁହେ ବୋଲି ବାସ୍ତୁଶାସ୍ତ୍ରରେ ଉଲ୍ଲେଖ ରହିଛି । ତେବେ ବାସ୍ତୁଶାସ୍ତ୍ର ଅନୁଯାୟୀ ଘରେ ଆକ୍ୱାରିୟମ୍ ରଖିବାକୁ ନେଇ ଅନେକ ନିୟମ ବି ରହିଛି ।
ବାସ୍ତୁଶାସ୍ତ୍ର ଅନୁଯାୟୀ ଡ୍ରଇଂ ରୁମର ଦକ୍ଷିଣ-ପୂର୍ବ ଦିଗରେ ଆକ୍ୱାରିୟମ୍ ରଖିଲେ ଅତ୍ୟନ୍ତ ଶୁଭ । ଏହାଦ୍ୱାରା ଘରର ଆର୍ôଥକ ଅଭିବୃଦ୍ଧି ଘଟିଥାଏ ବୋଲି ବିଶ୍ୱାସ ରହିଛି । ସେହିପରି ଆକ୍ୱାରିୟମକୁ କେବେ ବି ଡ୍ରଇଂ ରୁମ୍ ମଝିରେ ରଖନ୍ତୁନି କାରଣ ଏହାଦ୍ୱାରା ଘରର ଖର୍ଚ୍ଚ ବଢିଥାଏ । ଘରେ ରଖିଥିବା ଆକ୍ୱାରିୟମରୁ ସମୟ ସମୟରେ ପାଣି ବଦଳାଇବା ବି ଦରକାର । ଏପରି କରିବା ଦ୍ୱାରା ଆର୍ôଥକ ଅଭିବୃଦ୍ଧିରେ ଏହା ସହାୟକ ହୋଇପାରିବ । ସେହିପରି ଆକ୍ୱାରିୟମକୁ ବେଡ୍ ରୁମରେ ରଖିବା ଆଦୌଁ ଉଚିତ୍ ନୁହେଁ । ଏହାଦ୍ୱାରା ରାତିରେ ଦୁଃସ୍ୱପ୍ନ ଆସିଥାଏ ବୋଲି ବିଶ୍ୱାସ ରହିଛି । ଆକ୍ୱାରିୟମରେ ସର୍ବଦା ୯ଟି ମାଛ ରଖିବା ଶୁଭଙ୍କର । ଆଉ ସେହି ୯ଟି ମାଛ ମଧ୍ୟରୁ ୮ଟି ଗୋଲ୍ଡ ଫିଶ୍ ଓ ଗୋଟିଏ କଳା ମାଛ ରହିବା ଦ୍ୱାରା ବ୍ୟକ୍ତିଙ୍କୁ ଶୁଭଫଳ ମିଳିଥାଏ । ସେହିପରି ଗୋଲ୍ଡଫିସକୁ ଧନର ପ୍ରତୀକ ବୋଲି କୁହାଯାଉଥିବା ବେଳେ କଳାମାଛକୁ ସୁରକ୍ଷାର ପ୍ରତୀକ ଭାବେ ବାସ୍ତୁଶାସ୍ତ୍ରରେ ବର୍ଣ୍ଣନା କରାଯାଇଛି ।
