ଟଲିଉଡ ସୁପରଷ୍ଟାର ଅଲ୍ଲୁ ଅଜ୍ୁର୍ନଙ୍କ ଫିଲ୍ମ ପୁଷ୍ପାର ସଫଳତା ପରେ, ଏହାର ସିକ୍ୱେଲ ପୁଷ୍ପା-୨କୁ ନେଇ ଫ୍ୟାନ୍ସଙ୍କ ମଧ୍ୟରେ ବେଶ୍ ଉତ୍କଣ୍ଠା ଦେଖିବାକୁ ମିଳୁଛି । ଫିଲ୍ମଟି କେବେ ରିଲିଜ ହେବ ବର୍ତ୍ଥମାନ ତାହା ଉପରେ ସମସ୍ତଙ୍କର ନଜର ରହିଛି । ଏହାରି ମଧ୍ୟରେ ପୁଷ୍ପା-୨ରେ ଆଲ୍ଲୁ ଅର୍ଜୁନଙ୍କ ପ୍ରଥମ ଲୁକ୍ ଅଲ୍ଲୁ ଅର୍ଜୁନଙ୍କ ଜନ୍ମଦିନରେ ଆଉଟ କରିବା ନେଇ ଯୋଜନା କରାଯାଇଛି ।
ସୂଚନାନୁସାରେ ନିର୍ଦ୍ଦେଶକ ସୁକୁମାର ଫିଲ୍ମ ପୁଷ୍ପା-୨ ସୁଟିଂ ଆରମ୍ଭ କରିସାରିଛନ୍ତି । ଅଲ୍ଲୁଙ୍କ ଫ୍ୟାନ୍ସ ସିକ୍ୱେଲ ଫିଲ୍ମର ଟିଜର ଦେଖିବା ପାଇଁ ଅପେକ୍ଷା କରିଥିବା ବେଳେ, ଫ୍ୟାନ୍ସଙ୍କୁ ସରପ୍ରାଇଜ୍ ଦେବାକୁ ଯୋଜନା କରିଛନ୍ତି ଅଲ୍ଲୁ । ଆସନ୍ତା ଏପ୍ରିଲ ମାସ ୮ ତାରିଖରେ ଅଲ୍ଲୁଙ୍କ ଜନ୍ମଦିନ ଅବସରରେ ପୁଷ୍ପା-୨ର ପ୍ରଥମ ଲୁକ ଏବଂ ଟିଜର ରିଲିଜ ପାଇଁ ହୋଇଛି ଯୋଜନା ।
ଏପ୍ରିଲ ୮ ତାରିଖ ଦିନ ସୁପରଷ୍ଟାର ଅଲ୍ଲୁ ନିଜ ହାଇଦ୍ରାବାଦସ୍ଥିତ ବାସଭବନରେ ଏକ ପାର୍ଟି ଦେବାପାଇଁ ଯୋଜନା କରିଛନ୍ତି । ଏହି ପାର୍ଟରେ ଅଲ୍ଲୁଙ୍କ କ୍ଲୋଜ ଫ୍ରେଣ୍ଡସ, ଫ୍ୟାମିଲି ଓ ପୁଷ୍ପା-୨ ଫିଲ୍ମର ପୁରା ଟିମ୍ ସାମିଲ ରହିବେ । ଏବଂ ସେଠାରେ ହିଁ ଅଲ୍ଲୁ ଓ ପୁରା ଟିମ୍ ମିଶି ଟିଜର ଓ ଫିଲ୍ମର କ୍ୟାରେକଟର ମାନଙ୍କ ଫାଷ୍ଟ ଲୁକ ସେୟାର କରାଯିବ ।
ସୂଚନାଯୋଗ୍ୟ ପୁଷ୍ପା -୨ ଫିଲ୍ମରେ ଅଲ୍ଲୁ ଅର୍ଜୁନଙ୍କ ବ୍ୟତୀତ, ରଶ୍ମିକା ମନ୍ଦନା, ଫହାଦ ଫସିଲ ମୁଖ୍ୟ ଭୂମିକାରେ ନଜର ଆସୁଥିବା ବେଳେ, ମୋହମଲାଲ, ପ୍ରକାଶ ରାଜ, ସାଇ ପଲ୍ଲବୀ, ଜଗପତି ବାବୁ ଇତ୍ୟାଦି କେମୋ କଳାକାର ଭାବରେ ନଜର ଆସିବେ । ପୁଷ୍ପା-୨ ଫିଲ୍ମ ନର୍ମାଣ ପାଇଁ ମୋଟ ୩୫୦ କୋଟି ଟଙ୍କା ବଜେଟ ଧାର୍ଯ୍ୟ କରାଯାଇଛି । ଫିଲ୍ମଟିକୁ ୨୦୨୪ ମାର୍ଚ୍ଚ ମାସରେ ରିଲିଜ କରାଯିବା ପାଇଁ ଲକ୍ଷ୍ୟ ରଖାଯାଇଛି ।
